యంగ్ టైగ‌ర్ ఎన్టీఆర్ హీరోగా కొర‌టాల శివ తెర‌కెక్కిస్తున్న భారీ చిత్రం జ‌న‌తా గ్యారేజ్. ఈ చిత్రాన్ని మైత్రీ మూవీ మేక‌ర్స్ సంస్థ నిర్మిస్తుంది. ఈ చిత్రంలో మ‌ల‌యాళ సూప‌ర్ స్టార్ మోహ‌న్ లాల్ కీల‌క పాత్ర పోషిస్తున్న విష‌యం తెలిసిందే. అయితే...ఈ చిత్ర‌లో మోహ‌న్ లాల్ స‌ర‌స‌న దేవ‌యాని న‌టిస్తుంద‌ని వార్త‌లు వ‌చ్చాయి.

ఆత‌ర్వాత మోహ‌న్ లాల్, దేవయానిల‌పై చిత్రీక‌రించిన స‌న్నివేశాలు స‌రిగా రాలేద‌ని దేవ‌యానిని త‌ప్పించారంటూ వార్త‌లు వ‌చ్చాయి. దేవ‌యాని ప్లేస్ లో సుహాసిని వ‌చ్చింది అంటూ ప్ర‌చారం జ‌రిగింది. ఇదిలా ఉంటే...సీనియ‌ర్ న‌టుడు సురేష్ త‌న ట్విట్ట‌ర్ లో జ‌న‌తా గ్యారేజ్ వ‌ర్కింగ్ స్టిల్స్ పోస్ట్ చేసారు. ఆ ఫోటోల్లో సురేష్, మోహ‌న్ లాల్, బ్ర‌హ్మాజీ, సాయికుమార్ ల‌తో పాటు దేవ‌యాని కూడా ఉంది. అంటే...జ‌న‌తా గ్యారేజ్ నుంచి దేవ‌యాని ని త‌ప్పించార‌నేది రాంగ్ న్యూసే క‌దా..అదీ సంగ‌తి.