’Cheekati Rajyam’ Movie Gallery

కమల్ హాసన్ హీరోగా రాజేష్.ఎం సెల్వ దర్శకత్వంలో రూపొందుతున్న చిత్రం చీకటిరాజ్యం. విభిన్నంగా ఒకేరోజు జ‌రిగే క‌థ‌తో ఈ సినిమా రూపొందుతుంది.రాజ్ కమల్ ఫిలిమ్స్ ఇంటర్నేషనల్ బ్యానర్ పై కమల్ సోదరుడు చంద్రహసన్ ఈ చిత్రాన్ని నిర్మించారు. మన్మథబాణం చిత్రంలో కమల్ తో కలసి నటించిన త్రిష..మ‌ళ్లీ ఇప్పుడు క‌మ‌ల్ తో న‌టిస్తుంది.

ఈ చిత్రాన్ని దీపావళి రోజున విడుదల చేయడానికి ప్లాన్స్ చేస్తున్నారు. ఈ చిత్రంలో క‌మ‌ల్ తో పాటు ఇద్ద‌రు తెలుగు ర‌చ‌యిత‌లు న‌టిస్తున్నారు. ఇంత‌కీ ఆ ఇద్ద‌రు ర‌చ‌యిత‌లు ఎవ‌ర‌నుకుంటున్నారా..? ఒక‌రు గీత ర‌చ‌యిత రామ‌జోగ‌య్య శాస్త్రి, మ‌రోక‌రు మాట‌ల ర‌చ‌యిత అబ్బూరి ర‌వి. వీరిద్ద‌రు క‌మ‌ల్ తో క‌ల‌సి ఓ స‌న్నివేశంలో న‌టించార‌ట‌.ఇదే విష‌యం గురించి అడిగితే.. క‌మ‌ల్ సినిమాకి ప‌ని చేసే అవ‌కాశం ఎప్పుడో కాని రాదు. ఇప్పుడు వ‌చ్చింది. మ‌ళ్లీ ఎప్పుడో వ‌స్తుందో తెలియ‌దు. అందుక‌నే క‌మ‌ల్ తో క‌ల‌సి ప‌నిచేసామ‌ని గ‌ర్వంగా చెప్పుకోవ‌డం కోసం మేమే కావాల‌ని అడిగి చీక‌టి రాజ్యంలో న‌టించాం అంటున్నారు రైట‌ర్స్ అబ్బూరి, జోగ‌య్య‌.