நயன்தாரா படத்தில் இணைந்த பிரபல எழுத்தாளர்கள்
- IndiaGlitz, [Sunday,November 13 2016]
கோலிவுட்டின் லேடி சூப்பர் ஸ்டார் நயன்தாரா முதன்முதலாக சிவகார்த்திகேயனுடன் இணைந்து நடிக்கும் படத்தின் பூஜை சமீபத்தில் நடந்தது. மோகன் ராஜா இயக்கத்தில் ஆர்.டி.ராஜாவின் 24ஏம் ஸ்டுடியோஸ் நிறுவனம் தயாரிக்கும் இந்த படம் மிகப்பெரிய எதிர்பார்ப்பை ஏற்படுத்தியுள்ளது.
இந்நிலையில் இந்த படத்தில் பிரபல இரட்டை எழுத்தாளர்கள் சுபா இணைந்துள்ளனர். இந்த படத்திற்கு இவர்கள் திரைக்கதை வசனம் எழுதவுள்ளனர். ஏற்கனவே மோகன்ராஜா இயக்கிய 'வேலாயுதம்', தனி ஒருவன்' ஆகிய படங்களில் பணிபுரிந்துள்ள இந்த இரட்டையர்கள் தற்போது மூன்றாவது முறையாக இணைகின்றனர்.
அதேபோல் நயன்தாரா நடித்த 'ஆரம்பம், தனி ஒருவன்' படங்களுக்கு பின் மீண்டும் அவருடன் இணைந்து பணியாற்றவுள்ளனர் என்பதும் சிவகார்த்திகேயன் படத்திற்கு இந்த எழுத்தாளர்கள் முதன்முதலில் வசனம் எழுதுகின்றனர் என்பதும் குறிப்பிடத்தக்கது.
பல வெற்றி படங்களில் பணிபுரிந்த இந்த எழுத்தாளர்கள் இந்த படத்தில் இணைந்துள்ளதால் இந்த படத்தின் வெற்றி உறுதியாகியுள்ளதாக கூறப்படுகிறது.