ரிலீசுக்கு முன்பும், ரிலீசுக்கு பின்பும் சோதனைகளை சாதனைகளாக மாற்றி வெற்றி நடை போட்டு வரும் தளபதி விஜய்யின் 'மெர்சல்' படத்திற்கு அனைத்து துறைகளில் இருந்தும் பாராட்டுக்கள் குவிந்து வருவதை அவ்வப்போது பார்த்து வருகிறோம்

இந்த நிலையில் பிரபல எழுத்தாளரும், இயக்குனர் கே.வி.ஆனந்த் இயக்கிய ஒருசில படங்களுக்கு வசனம் எழுதியவருமான சுரேஷ்சுபா தற்போது மெர்சல்' படம் குறித்து தனது கருத்தை சமூக வலைத்தளத்தில் பதிவு செய்துள்ளார். 'மெர்சல்' படத்தில் விஜய்யின் அபார நடிப்பு அவர் ஒரு மாஸ் நடிகர்    என்பதை மீண்டும் நிரூபித்துள்ளது. இப்படி ஒரு வலுவான காட்சிகள் அடங்கிய படத்தை உருவாக்கிய தேனாண்டாள் பிலிம்ஸ் மற்றும் இயக்குனர் அட்லிக்கு எனது பாராட்டுக்கள் என்று தெரிவித்துள்ளார்.

இதேபோல் நடிகையும் பெண் மோட்டார் சைக்கிள் வீரருமான அலிஷா அப்துல்லா தனது சமூக வலைத்தளத்தில் 'இப்படி ஒரு அட்டகாசமான கேரக்டரில் தளபதி தவிர வேறு யாராலும் நடிக்க முடியாது என்றும் வாய்ப்பு கிடைத்தால் தளபதியுடன் நடிக்க தயார் என்றும் கூறியுள்ளார். 'மெர்சல்' படத்திற்கு நாலாபக்கங்களில் இருந்து ஆதரவு குவிந்து வருவதால் படக்குழுவினர் மகிழ்ச்சி அடைந்துள்ளனர்.