தனுஷ்-விஜய்சேதுபதி போட்டியில் இணைந்த சிவகார்த்திகேயன்
- IndiaGlitz, [Tuesday,December 04 2018]
கோலிவுட் திரையுலகில் இளம் நடிகர்களிடையே போட்டி இருந்தாலும் இவர்களுடைய படங்கள் வெவ்வேறு நாட்களில் வெளிவந்ததால் இவர்களில் யார் வசூல் ஸ்டார் என்பது தெரியாமல் இருந்தது. இந்த நிலையில் வரும் கிறிஸ்துமஸ் திருநாளில் அதற்கு ஒரு நல்ல சந்தர்ப்பம் கிடைத்துள்ளது.
ஏற்கனவே விஜய்சேதுபதியின் 'சீதக்காதி', தனுஷின் 'மாரி 2', ஜெயம் ரவியின் 'அடங்கமறு' ஆகிய படங்கள் டிசம்பர் 20 மற்றும் 21 தேதிகளில் வெளியாகும் என்று அறிவிக்கப்பட்டிருந்த நிலையில் தற்போது இந்த போட்டியில் சிவகார்த்திகேயனின் 'கனா' திரைப்படமும் இணைந்து கொண்டது. சற்றுமுன் நடிகர் சிவகார்த்திகேயன் 'கனா' திரைப்படம் டிசம்பர் 21ல் வெளியாகும் என்று அறிவித்துள்ளார்.
இந்த போட்டியில் விஜய்சேதுபதி, தனுஷ், சிவகார்த்திகேயன், ஜெயம் ரவி ஆகியோர்களில் வசூல் ஸ்டார் பட்டத்தை பெறுவது யார்? என்பதை பொறுத்திருந்து பார்ப்போம்