இலங்கையில் உலகிலேயே மிகப்பெரிய ரத்தினக்கல் கண்டுபிடிக்கப்பட்டு தற்போது பொதுமக்களின் காட்சிக்கு வைக்கப்பட்டு உள்ளது. 310 கிலோ எடையுள்ள இந்தக் கல்லைப் பார்த்து பொதுமக்கள் ஆச்சர்யத்தை வெளிப்படுத்தி வருகின்றனர்.

ரத்தினத்தின் தலைநகராக கருதப்படும் இலங்கை நாட்டின் ரத்தினகிரியில் அவ்வபோது விதவிதமான இரத்தினக் கற்கள் கண்டெடுக்கப் படுகின்றன. ஆனால் கடந்த 3 மாதங்களுக்கு முன்பு இலங்கையில் உலகிலேயே மிகப்பெரிய இரத்தினக்கல் ஒன்று கண்டுபிடிக்கப்பட்டு உள்ளது. நீலநிறத்தில் உள்ள இந்தக் கல்லின் எடை 310 கிலோ என்றும் சர்வதேச மதிப்பீட்டாளர்கள் இந்தக் கல்லை இன்னும் மதிப்பிடவில்லை என்றும் கூறப்படுகிறது.

கொழும்புவில் இருந்து 65 கிலோ மீட்டர் தொலைவில் உள்ள ஹொரணையில் இந்த இரத்தினக்கல் கண்டுபிடிக்கப்பட்டு தற்போது உரிமையாளரின் வீட்டிலேயே இந்தக் கல் பார்வைக்கு வைக்கப்பட்டு உள்ளது. இந்தக் கல்லை பொதுமக்கள் அதிசயமாகப் பார்த்துச் செல்வதும் குறிப்பிடத்தக்கது.