యూత్ ఐకాన్ విజ‌య్ దేవ‌ర‌కొండ క‌థానాయ‌కుడిగా `మ‌ళ్ళీ మ‌ళ్ళీ ఇది రాని రోజు` ఫేమ్ క్రాంతి మాధ‌వ్ ద‌ర్శ‌క‌త్వంలో ఓ రొమాంటిక్ ఎంట‌ర్‌టైన‌ర్ తెర‌కెక్కుతున్న సంగ‌తి తెలిసిందే. రాశీ ఖ‌న్నా, కేథ‌రిన్ ట్రెసా, ఐశ్వ‌ర్యారాజేశ్‌, ఇజాబెల్లీ లిటే క‌థానాయిక‌లుగా న‌టిస్తున్న ఈ సినిమాని ప్ర‌ముఖ నిర్మాణ సంస్థ క్రియేటివ్ క‌మ‌ర్షియ‌ల్స్ నిర్మిస్తోంది. ఇప్ప‌టికే సింహ‌భాగం చిత్రీక‌ర‌ణ పూర్తిచేసుకున్న ఈ చిత్రానికి సంబంధించిన షూటింగ్... ప్ర‌స్తుతం హైద‌రాబాద్ ప‌రిస‌ర ప్రాంతాల్లో జ‌రుగుతోంది. ఇందులో భాగంగా విజ‌య్ దేవ‌ర‌కొండ‌, రాశీ ఖ‌న్నా కాంబినేష‌న్‌లో కొన్ని కీల‌క స‌న్నివేశాల‌ను తెర‌కెక్కిస్తున్నార‌ని తెలిసింది.

కాగా... `వ‌ర‌ల్డ్ ఫేమ‌స్ ల‌వ‌ర్‌`లో విజ‌య్ దేవ‌ర‌కొండ నాలుగు డిఫ‌రెంట్ లుక్స్‌లో క‌నిపిస్తాడ‌ని టాక్‌. కాలేజ్ స్టూడెంట్ గా, సాఫ్ట్‌వేర్ కంపెనీ ఉద్యోగిగా, ఫ్యామిలీ ప‌ర్స‌న్‌గా, బైక్ రేస‌ర్‌గా... ఇలా విభిన్న ఛాయ‌ల్లో ఈ పాత్ర సాగుతుంద‌ని స‌మాచారం. `గీత గోవిందం` వంటి సంచ‌ల‌న విజ‌యం త‌రువాత విజ‌య్ దేవ‌ర‌కొండ‌, గోపీసుంద‌ర్ కాంబినేష‌న్‌లో వ‌స్తున్న ఈ రొమాంటిక్ ఎంట‌ర్‌టైన‌ర్ డిసెంబ‌ర్ నెల‌లో ప్రేక్ష‌కుల ముందుకు రానుంది. విజ‌య్ దేవ‌ర‌కొండ గ‌త చిత్రం `డియ‌ర్ కామ్రేడ్‌` ఆశించిన విజ‌యం సాధించ‌క‌పోవ‌డంతో.. `వ‌ర‌ల్డ్ ఫేమ‌స్ ల‌వ‌ర్‌` ఫ‌లితం అత‌నికి కీల‌కంగా మారింది. మ‌రి.. `వ‌రల్డ్ ఫేమ‌స్ ల‌వ‌ర్‌` అయినా విజ‌య్‌ని ట్రాక్ లోకి తీసుకువ‌స్తుందేమో చూడాలి.