இந்த ஆண்டு இந்தியாவில் உலக கோப்பை கிரிக்கெட் போட்டி நடைபெற இருப்பதாக ஏற்கனவே அறிவிக்கப்பட்டு இருந்த நிலையில் இந்த போட்டிக்கான அட்டவணை சற்றுமுன் வெளியாகியுள்ளது.

உலக கோப்பை கிரிக்கெட் போட்டி அக்டோபர் 5ஆம் தேதி தொடங்குகிறது. முதல் போட்டியில் இங்கிலாந்து மற்றும் நியூசிலாந்து அணிகளுக்கு இடையே அகமதாபாத் மைதானத்தில் நடைபெற உள்ளது.

இந்தியா தனது முதல் போட்டியில் அக்டோபர் 8ஆம் தேதி ஆஸ்திரேலிய அணியுடன் மோதுகிறது. இந்த போட்டி சென்னை சேப்பாக்கம் மைதானத்தில் நடைபெற உள்ளது.

இதனை அடுத்து அக்டோபர் 11ஆம் தேதி ஆப்கானிஸ்தான் அணியுடனும், அக்டோபர் 15ஆம் தேதி பாகிஸ்தான் அணியுடன், அக்டோபர் 19ஆம் தேதி வங்கதேச அணியுடனும், அக்டோபர் 22ஆம் தேதி நியூசிலாந்து அணியுடன், இந்தியா மோத உள்ளது. இதனை அடுத்து அக்டோபர் 21ஆம் தேதி இங்கிலாந்து அணியுடன், நவம்பர் 5ஆம் தேதி தென் ஆப்பிரிக்கா அணியுடன், இந்தியா மோத உள்ளது என்பது குறிப்பிடத்தக்கது.

உலக கோப்பை கிரிக்கெட் போட்டியின் முதல் அரையிறுதி போட்டி மும்பையில் நவம்பர் 15ஆம் தேதியும் இரண்டாவது அரையிறுதி போட்டி கொல்கத்தாவில் நவம்பர் 16ஆம் தேதியும் நடைபெற உள்ளது. இறுதி போட்டி அகமதாபாத் மைதானத்தில் நவம்பர் 19ஆம் தேதி நடைபெற உள்ளது என்பது குறிப்பிடத்தக்கது.