స‌మంత డైరెక్ట‌ర్ మారారా?
- IndiaGlitz, [Wednesday,October 14 2020]
స‌మంత అక్కినేని ఇప్పుడు లేడీ ఓరియెంటెడ్ పాత్ర‌లు చేయ‌డానికి ఎక్కువ ఆస‌క్తిని చూపిస్తున్నారు. ఆమె న‌టించిన గత చిత్రం ఓ బేబీ బాక్సాఫీస్ కలెక్ష‌న్స్ రాబ‌ట్టుకోవ‌డ‌మే కాదు, విమ‌ర్శ‌కుల ప్ర‌శంస‌లు కూడా అందుకుంది. ఆ త‌ర్వాత ఎందుక‌నో స‌మంత తదుప‌రి సినిమా చేయ‌డానికి చాలా గ్యాప్ తీసుకుంది. అశ్విన్ శ‌రవ‌ణ‌న్ ద‌ర్శ‌క‌త్వంలో స‌మంత సినిమా చేస్తుంద‌ని చాలా వార్త‌లే వినిపించాయి. త‌ర్వాత కోవిడ్ ఎఫెక్ట్ ప్రారంభం కావ‌డంతో స‌మంత సినిమా మరింత వెన‌క్కి వెళ్లింది.
ఇప్పుడు స్టార్స్ అంద‌రూ కోవిడ్ నుండి త‌గు జాగ్ర‌త్త‌లు తీసుకుంటూ షూటింగ్స్ స్టార్స్ చేస్తున్న త‌రుణంలో స‌మంత త‌న కొత్త సినిమాను స్టార్ట్ చేయాల‌ని భావిస్తుంది. అయితే అశ్విన్ శ‌రవ‌ణ‌న్ ఈ ప్రాజెక్ట్ నుండి తప్పుకున్నాడ‌ట. దాంతో స‌మంత ఇదే బ్యాన‌ర్‌లో నందినీ రెడ్డి ద‌ర్శ‌క‌త్వంలో సినిమా చేయ‌డానికి ఓకే చెప్పేసింద‌ట. ఇంత‌కు ముందు ఫ‌న్ అండ్ ఫ్యామిలీ ఎంట‌ర్‌టైన‌ర్‌లో చేసిన నందినీ రెడ్డి ఈసారి స‌మంత హార‌ర్ థ్రిల్ల‌ర్ జోన‌ర్‌లో సినిమా చేయ‌నుంద‌ని వార్త‌లు వినిపిస్తున్నాయి. తెలుగు, త‌మిళ, హిందీ భాష‌ల్లో సినిమా రూపొంద‌నుంది. త్వ‌రలోనే ఈ సినిమాకు సంబంధించిన అధికారిక ప్ర‌క‌ట‌న వెలువ‌డుతుంద‌ని స‌మాచారం.