ஜெ. மரணம் குறித்து சர்ச்சைக்குரிய கருத்தை கூறிய பெண் கைது
- IndiaGlitz, [Saturday,February 25 2017]
முன்னாள் தமிழக முதல்வர் ஜெயலலிதா அப்பல்லோ மருத்துவமனையில் 75 நாட்கள் சிகிச்சை பெற்று சிகிச்சையின் பலனின்றி காலமானார். அவரது மரணத்தில் மர்மம் இருப்பதாக எதிர்க்கட்சிகள் உள்பட பலர் கேள்வி எழுப்பினர். ஜெயலலிதா மரணம் குறித்து விசாரணை கமிஷன் அமைக்கப்படும் என முன்னாள் முதல்வர் ஓபிஎஸ் அவர்களும் தெரிவித்திருந்தார்.
இந்நிலையில் கடந்த சில நாட்களுக்கு முன்னர் ஜெயலலிதா வெற்றி பெற்ற தொகுதியான ஆர்.கே.நகரில் தீபா ஆதரவாளர்கள் நடத்திய கூட்டம் ஒன்றில் ராமசீதா என்ற பெண் பரபரப்பான தகவல் ஒன்றை கூறினார். தன்னை அப்பல்லோ மருத்துவமனையின் டாக்டர் என்று கூறிக்கொண்ட அவர், ஜெயலலிதாவை மருத்துவமனைக்கு கொண்டு வந்தபோதே அவர் இறந்து இருந்ததாக கூறி அனைவரையும் அதிர்ச்சிக்குள்ளாக்கினார்.
இதுகுறித்து அப்பல்லோ நிர்வாகம் கொடுத்த புகாரின் அடிப்படையில் சிபிசிஐடி போலீசார் விசாரணை செய்ததில் ராமசீதா டாக்டரே இல்லை என்பது தெரியவந்தது. இதனையடுத்து போலீசார் அவரை கைது செய்தனர்.