சென்னை மெரீனாவில் நடைபெற்ற மாணவர்கள், இளைஞர்களின் ஜல்லிக்கட்டு போராட்டத்தின் கடைசி தினத்தன்று மாணவர்களை போலிசார் கலைக்க முயன்றனர். அப்போது போலிசாருக்கும் சமூக விரோதிகளுக்கும் இடையே ஏற்பட்ட கலவரத்தில் சமூக விரோதிகள் ஐஸ் அவுஸ் போலீஸ் நிலையத்தை தீ வைத்து கொளுத்தினர்.

சமூக விரோதிகள் மட்டுமின்றி போலீசாரும் ஒருசில இடங்களில் தீ வைத்ததாக சமூக வலைத்தளங்களில் வீடியோ பரவியது. குறிப்பாக சாலையில் நின்றிருந்த ஆட்டோவுக்கு பெண் போலீஸ் ஒருவர் தீ வைத்த வீடியோ, இன்னொரு ஆண் போலீஸ் குடிசை வீடு ஒன்றுக்கு தீ வைத்த வீடியோ ஆகியவை பெரும் அதிர்ச்சியை ஏற்படுத்தியது.

கமல்ஹாசன் உள்ளிட்ட பலர் இந்த வீடியோக்களை பார்த்து அதிர்ச்சி அடைந்ததாக கூறியதோடு காவல்துறைக்கு கடும் கண்டனங்களையும் தெரிவித்தனர்.

இந்நிலையில் வீட்டிற்கு தீ வைத்த பெண் போலிசும், ஆட்டோவுக்கு தீ வைத்த ஆண் போலிசும் அடையாளம் காணப்பட்டுள்ளதாகவும் அவர்களது குற்றம் நிரூபிக்கப்பட்டால் தகுந்த தண்டனை வழங்கப்படும் என்றும் காவல்துறை வட்டாரங்கள் கூறுகின்றன.