பிரபல நடிகர் தன்னை கர்ப்பம் ஆக்கியதாகவும், பிரபல நடிகை தன்னுடைய நகைகளை திருடியதாகவும் பெண் ஒருவர் காவல்துறையில் புகார் அளித்துள்ள நிலையில் இந்த புகார் குறித்து விசாரணை செய்யப்பட்டு வருவதாக தகவல் வெளியாகி உள்ளன.

தெலுங்கு திரையுலகின் முன்னணி நடிகர்களில் ஒருவர் ராஜு தருண். இவர் மீது லாவண்யா என்ற பெண் அளித்த புகாரில் ராஜ் தருண் என்னுடன் 11 வருடங்கள் சேர்ந்து வாழ்ந்தார், அப்போது நான் கர்ப்பமான நிலையில் என்னை கருக்கலைப்பு செய்ய நிர்பந்தம் செய்தார்.

தற்போது அவர் நடிகை மால்வி மல்கோத்ராவுடன் சுற்றிவரும் நிலையில் அவருடன் சேர்ந்து என்னை துன்புறுத்துகிறார் என்று காவல்துறையில் புகார் அளித்துள்ளார். அது மட்டும் இன்றி நடிகை மால்வி மல்கோத்ரா என்னுடைய வீட்டிற்கு சில முறை வந்துள்ளதாகவும் அவர் தன்னுடைய தங்க வளையல், தாலி சரடு, பிரேஸ்லெட் உள்பட நகைகளை திருடி விட்டதாகவும் அவற்றின் மதிப்பு 11 லட்சம் என்றும் புகார் அளித்துள்ளார்.

லாவண்யா அளித்த இந்த இரண்டு புகார்கள் குறித்து வழக்கு பதிவு செய்து காவல்துறையினர் விசாரணை செய்து வருகின்றனர்.