గ‌త ఏడాది స‌క్సెస్‌ఫుల్ చిత్రాల‌తో డెబ్యూ ద‌ర్శ‌కులుగా స‌త్తా చాటిన ఇద్ద‌రు యువ ద‌ర్శ‌కులు ఈ ఏడాది ఒకే ఫ్యామిలీకి చెందిన హీరోల‌తో సినిమాలు చేస్తుండ‌టం విశేషం. అది కూడా ఈ ఇద్ద‌రికీ రెండో సినిమాలే కావ‌డం కొస‌మెరుపు. వివ‌రాల్లోకెళ్తే.. గత ఏడాది `ఆర్‌.ఎక్స్ 100`తో అజ‌య్ భూప‌తి ద‌ర్శ‌కుడిగా ప‌రిచ‌యం అయ్యారు. తొలి సినిమాతో తిరుగులేని విజ‌యాన్ని త‌న ఖాతాలో వేసుకున్నారు.

అలాగే హీరో రాహుల్ ర‌వీంద్ర‌న్ `చి.ల‌.సౌ`తో ద‌ర్శకుడిగా ప‌రిచ‌యం అయ్యారు. డీసెంట్ విజ‌యాన్ని ద‌క్కించుకున్నారు. ఈ ఇద్ద‌రు యువ ద‌ర్శ‌కులు ఇప్పుడు అక్కినేని ఫ్యామిలీకి చెందిన హీరోల‌తోనే సినిమాలు చేస్తుండ‌టం విశేషం. రాహుల్ ర‌వీంద్ర‌న్ నాగార్జ‌న‌తో `మ‌న్మ‌థుడు 2` సినిమా చేస్తుండ‌గా.. అజ‌య్ భూప‌తి నాగ‌చైత‌న్య‌తో ఓ సినిమాను తెర‌కెక్కించ‌బోతున్నాడు. మ‌రి ఈ ఇద్ద‌రు ద‌ర్శ‌కులు ఓకే ఫ్యామిలీ హీరోల‌తో సెకండ్ మూవీ సిండ్రోమ్‌ను అధిగ‌మిస్తారా? లేదా? అని చూడాలి.