ఏదైనా ప్రకృతి విపత్తలు సంభవించినా.. లేదంటే మానవ తప్పిదాల వల్ల ఘోర ప్రమాదాలు జరిగినా గత ప్రభుత్వాలు చేసే హడావిడి అంతాఇంతా కాదు. అధికారులు వచ్చి ప్రమాదం ఆస్తినష్టం అంచనాలు వేసినట్లు నటించడం.. తప్పకుండా బాధితులను ఆదుకుంటాం అంటూ ప్రగల్భాలు పలికి ఫొటోలకు ఫోజులిచ్చి వెళ్లిపోయేవారు. తర్వాత ఆ సాయం కోసం బాధితులు కాళ్లు అరిగేలా అధికారుల చుట్టూ తిరగడంతో పాటు లంచాలు ఇవ్వడం పరిపాటిగా మారింది.

కానీ ఇప్పుడు ప్రభుత్వం మారింది.. పాలన చేస్తుంది మంచి మనసున్న నాయకుడు. ఆపద వచ్చింది అన్నా అంటే చాలు అర క్షణం కూడా ఆలస్యం చేయకుండా స్పందిస్తాడు. అతనే సీఎం వైఎస్ జగన్ మోహన్ రెడ్డి.

నవంబర్‌ 19వ తేదీ రాత్రి విశాఖ ఫిషింగ్ హార్బర్లో జరిగిన అగ్ని ప్రమాదంలో 30 బోట్లు పూర్తిగా దగ్థంకాగా.. మరో 18 బోట్లు పాక్షికంగా దెబ్బతిన్నాయి. ప్రమాదం గురించి తెలుసుకున్న సీఎం వైఎస్ జగన్ బాధిత మత్స్యకారులకు 80శాతం పరిహారం ఇస్తామని ప్రకటించారు. జిల్లా అధికారులు నష్టాన్ని అంచనా వేసి ప్రభుత్వానికి నివేదించడంతో 72గంటల వ్యవధిలోనే బాధితులకు పరిహారం చెల్లించినట్టు జిల్లా కలెక్టర్ మల్లికార్జున వివరించారు.

ఈ ఘటనకు సంబంధించి 49 మంది బాధిత మత్సకార కుటుంబాలకు రూ.7 కోట్ల 11 లక్షల 76 వేలు పంపిణీ చేశారు. ఇందులో భాగంగా బోట్లు తగులబడటంతో ఉపాధిని కోల్పోయిన కళాసీలకు సైతం రూ.10వేల చొప్పున పరిహారం చెల్లించారు. దీనివల్ల దాదాపు 400 మంది కలాశీలకు ప్రయోజనం చేకూరింది. ప్రజలకు ఎలాంటి కష్టం వచ్చినా తోడుగా నిలిచేవాడే అసలైన పాలకుడు. అది చేతల్లో చేసి చూపిస్తున్నారు మన రాష్ట్ర సీఎం జగన్ మోహన్ రెడ్డి.