ఈ సారి ఏకంగా మెగాస్టార్ తో..?
- IndiaGlitz, [Saturday,September 02 2017]
తన ఖాతాలో ఒక్క‌టంటే ఒక్క విజ‌యాన్ని కూడా వేసుకోలేక‌పోయినా.. అందాల న‌టి ప్రగ్యా జైస్వాల్‌కి ఏదో ఒక అవ‌కాశం ఆమె ఇంటి త‌లుపు త‌డుతూనే ఉంది. వినిపిస్తున్న క‌థనాల ప్ర‌కారం.. భారీ బ‌డ్జెట్‌తో రూపొందుతున్న మెగాస్టార్ చిరంజీవి 151వ చిత్రం 'సైరా న‌ర‌సింహారెడ్డి' చిత్రంలో ప్ర‌గ్యాకి ఓ హీరోయిన్‌గా న‌టించే అవ‌కాశం దొరికింద‌ని స‌మాచారమ్‌. 'సైరా న‌ర‌సింహారెడ్డి' ముగ్గురు హీరోయిన్‌ల‌కు చోటుంది. ప్రధాన నాయికగా ఇప్ప‌టికే న‌య‌న‌తార ఎంపికైంది. మ‌రో లీడ్ రోల్ ని అనుష్క చేసే అవ‌కాశం ఉంద‌ని తెలుస్తోంది.
ఇక ఉయ్యాలవాడ న‌ర‌సింహారెడ్డి య‌వ్వ‌నంలో ఉన్న‌ప్పుడు అత‌న్ని ఇష్ట‌ప‌డే అమ్మాయి పాత్ర‌లో ప్రగ్యా క‌నిపించ‌నుంద‌ని ఫిల్మ్ న‌గ‌ర్ టాక్‌. ఈ ఆఫ‌ర్ ఓకే అయితే ప్ర‌గ్యాకి ఇది బంప‌ర్ ఆఫ‌రే. ఇదివ‌ర‌కు మెగా ఫ్యామిలీకి చెందిన వ‌రుణ్‌తేజ్ తో 'కంచె' చిత్రంలోనూ.. సాయిధ‌ర‌మ్‌తేజ్‌తో 'న‌క్ష‌త్రం' చిత్రంలోనూ ప్రగ్యా న‌టించిన సంగ‌తి తెలిసిందే. ఇప్పుడు ఏకంగా చిరుతో రొమాన్స్ చేసే అవ‌కాశం వ‌స్తే.. ప్రగ్యా ద‌శ తిరిగిన‌ట్టే.