లెజెండ్‌తో కొత్త ఇన్నింగ్స్‌కి శ్రీ‌కారం చుట్టిన ఫ్యామిలీ చిత్రాల క‌థానాయ‌కుడు జ‌గ‌ప‌తిబాబు.. వ‌రుస‌గా సినిమాలు చేస్తూ బిజీ ఆర్టిస్ట్‌గా మారాడు. లెజెండ్ త‌రువాత శ్రీ‌మంతుడు, నాన్న‌కు ప్రేమ‌తో చిత్రాలు జ‌గ‌ప‌తి కెరీర్‌లో గుర్తుండిపోయే చిత్రాలుగా నిలిచాయి. ప్ర‌స్తుతం రామ్‌చ‌ర‌ణ్ హీరోగా రూపొందుతున్న రంగ‌స్థ‌లం లో ఓ కీల‌క పాత్ర‌లో న‌టిస్తున్నాడు జ‌గ‌ప‌తిబాబు.

క‌ట్ చేస్తే.. చిరంజీవి 151వ చిత్రం సై..రా న‌ర‌సింహా రెడ్డి చిత్రంలోనూ జ‌గ‌ప‌తిబాబుకి ఓ ముఖ్య పాత్ర ద‌క్కింది. అంటే ఏక‌కాలంలో నిర్మాణం జ‌రుపుకుంటున్న తండ్రీకొడుకులిద్ద‌రి సినిమాల్లోనూ కీల‌క పాత్రలు చేసే అరుదైన‌ అవ‌కాశం జ‌గ‌ప‌తిబాబుకి ద‌క్కింద‌న్న‌మాట‌. మ‌రి ఈ రెండు సినిమాలు జ‌గ‌ప‌తి కెరీర్‌కి ఏ మాత్రం ప్ల‌స్ అవుతాయో తెలియాలంటే కొన్నాళ్లు ఆగాల్సిందే.