బాలకృష్ణతో మ‌ళ్ళీ అలాగే..
- IndiaGlitz, [Tuesday,April 24 2018]
నటసింహా నంద‌మూరి బాల‌కృష్ణ కెరీర్‌లో మ‌రో విజ‌యవంత‌మైన చిత్రంగా నిలిచింది.. సంక్రాంతికి విడుద‌లై ఇటీవ‌లే శ‌త‌దినోత్స‌వం పూర్తిచేసుకున్న జై సింహా. ఈ సినిమాని నిర్మించిన సి.కళ్యాణ్.. బాల‌కృష్ణ‌తోనే మ‌రో చిత్రం చేయ‌బోతున్నారు. ప్ర‌ముఖ ద‌ర్శ‌కుడు వి.వి.వినాయ‌క్ ద‌ర్శ‌క‌త్వంలో తెర‌కెక్క‌నున్న ఈ సినిమా వ‌చ్చే ఏడాది సంక్రాంతికి సందడి చేయ‌నుంది. ఆస‌క్తిక‌ర‌మైన విష‌య‌మేమిటంటే..
బాల‌య్య‌తో సి.కళ్యాణ్ నిర్మించ‌నున్న మూడో చిత్ర‌మిది. అంతేగాకుండా.. గ‌త రెండు చిత్రాలు కూడా సంక్రాంతికే వ‌స్తే.. మూడో చిత్రం కూడా అదే సీజ‌న్‌కు రాబోతోంది. బాలకృష్ణతో సి.కళ్యాణ్ నిర్మించిన తొలి చిత్రం ప‌ర‌మ‌వీర‌చ‌క్ర 2011 సంక్రాంతికి విడుద‌ల కాగా.. రెండో చిత్రం జై సింహా ఈ ఏడాది సంక్రాంతికి ప్రేక్ష‌కుల ముందుకు వ‌చ్చింది. ఇక.. త్వ‌ర‌లోనే ప‌ట్టాలెక్క‌నున్న మూడో చిత్రం కూడా సంక్రాంతికే బెర్త్ క‌న్‌ఫ‌ర్మ్ చేసుకోవ‌డం విశేషం.