విక్రమ్ అదే రోజున వస్తాడా..?
- IndiaGlitz, [Tuesday,August 09 2016]
చియాన్ విక్రమ్ హీరోగా న‌య‌న‌తార, నిత్యామీన‌న్ హీరోయిన్స్‌గా థ‌మీన్స్ ఫిలింస్ బ్యాన‌ర్స్‌పై శిబు థ‌మీన్స్ నిర్మాత‌గా ఆనంద్ శంక‌ర్ ద‌ర్శ‌క‌త్వంలో రూపొందుతోన్న చిత్రం 'ఇరుమురుగ‌న్‌'. దీన్ని తెలుగులో 'ఇంకొక్క‌డు' అనే పేరుతో విడుద‌ల చేస్తున్నారు. ఈ చిత్రంలో విక్రమ్ హీరోగానే కాకుండా హిజ్రా పాత్ర‌లో కూడా నటిస్తున్నాడు. ఈ సినిమాను శిబుథ‌మీన్స్ నుండి తెలుగులో విడుద‌ల చేయ‌డానికి నీలం కృష్ణారెడ్డి, ఎన్‌.కె.ఆర్‌.ఫిలింస్ బ్యాన‌ర్ విడుద‌ల చేస్తున్నారు.
తాజా స‌మాచారం ప్ర‌కారం ఈ చిత్రాన్ని త‌మిళంలో సెప్టెంబ‌ర్ 2న విడుద‌ల చేస్తున్నారు. అయితే సాధార‌ణంగా విక్రమ్ సినిమాల‌కు తెలుగు, త‌మిళంలో మంచి క్రేజ్ ఉంటాయి. మ‌రి ఈ చిత్రం తెలుగులో సెప్టెంబ‌ర్ 2న విడుద‌లవుతుందా అనే సందేహం వ‌స్తుంది. ఎందుకంటే ఇదే రోజున తెలుగులో ఎన్టీఆర్ జ‌న‌తాగ్యారేజ్ విడుద‌ల‌వుతుంది క‌దా..మ‌రి ఈ చిత్ర నిర్మాత‌ల‌కు థియేట‌ర్స్ దొరుకుతాయా అనేది డౌటే..ఒక‌వేళ త‌మిళంలో సినిమా రిలీజ్ తేడా కొడితే తెలుగు నిర్మాత‌ల‌కు మొద‌టికే మోసం వ‌స్తుంది. మ‌రి చూడాలి విక్రమ్ ఇంకొక్క‌డు తెలుగు, త‌మిళంలో ఒకేరోజున వస్తాడా అని...