நடிகர் சங்க தேர்தல்: விஜயகாந்த் ஆதரவு யாருக்கு?
- IndiaGlitz, [Wednesday,October 07 2015]
தென்னிந்திய நடிகர் சங்க தேர்தல் வரும் 18ஆம் தேதி நடைபெறவுள்ள நிலையில் சரத்குமார் மற்றும் விஷால் அணியினர் தங்கள் அணிகளுக்கு தீவிரமாக ஆதரவு திரட்டி வருகின்றனர். உலக நாயகன் கமல்ஹாசன் பாண்டவர் அணி என்று கூறப்படும் விஷால் அணிக்கு ஆதரவு தெரிவித்துள்ளதாக கூறப்படும் நிலையில், முன்னாள் நடிகர் சங்க தலைவர் விஜயகாந்த் ஆதரவு யாருக்கு என்பது குறித்து கோலிவுட் திரையுலகினர் இடையே கேள்வி எழுந்தது.
இந்நிலையில் இன்று இதுகுறித்து கருத்து கூறிய விஜயகாந்த், 'தென்னிந்திய நடிகர் சங்கத் தேர்தலில் நல்லவர்களுக்கு எனது ஆதரவு'' என்று கூறியுள்ளார். யாருக்கு தனது ஆதரவு என்பது குறித்து விஜயகாந்த் தெளிவான கருத்தை கூறவில்லை என்பது குறிப்பிடத்தக்கது.
இந்நிலையில் விஷால் அணியில் உள்ள 40 பேர் பேருந்து ஒன்றில் 4 நாட்கள் சுற்றுப்பயணம் செய்து தமிழகத்தில் உள்ள பல்வேறு மாவட்டங்களில் உள்ள நாடக நடிகர்களை சந்திக்க செல்லவிருப்பதாக கூறப்படுகிறது.