கோலிவுட் திரையுலகின் மூன்று முன்னணி நடிகர்களான அஜித், விஜய், மற்றும் சூர்யா ஆகியோர்களின் அடுத்த படங்கள் வரும் ஜனவரியில் தொடங்கவுள்ள நிலையில் இந்த மூன்று படங்களும் ஒரே நாளில் வெளியாகும் வாய்ப்பும் ஏற்பட்டுள்ளது

இயக்குனர் சிவா இயக்கத்தில் சத்யஜோதி பிலிம்ஸ் தயாரிக்கும் 'தல 58', இயக்குனர் ஏ.ஆர்.முருகதாஸ் இயக்கத்தில் தளபதி விஜய் நடிக்கும் 'தளபதி 62', இயக்குனர் செல்வராகவன் இயக்கத்தில் சூர்யா நடிக்கும் 'சூர்யா 36' ஆகிய படங்கள் வரும் ஜனவரியில் படப்பிடிப்பு தொடங்கவுள்ளது

இந்த மூன்று படங்களுமே வரும் 2018 தீபாவளியை குறிவைத்துள்ளதால் மூன்று முன்னணி நடிகர்களின் படங்களும் ஒரே நாளில் மோதும் நிலை ஏற்பட்டுள்ளது. இதற்கு முன்னர் அஜித்தின் 'ஆஞ்சநேயா, விஜய்யின் 'திருமலை', சூர்யாவின் 'பிதாமகன் ஆகிய படங்கள் கடந்த 2003ஆம் ஆண்டு தீபாவளி அன்று வெளியானது. இந்த நிலையில் 15 ஆண்டுகளுக்கு பின்னர் மீண்டும் மூவரின் படங்கள் மோதினால் வெற்றி பெறுவது யார்? என்பதை அறிய கோலிவுட் திரையுலக ரசிகர்கள் ஆர்வத்துடன் காத்திருக்கின்றனர்.