சென்னையின் முக்கிய பதவிக்கு வருவாரா உதயநிதி?
- IndiaGlitz, [Saturday,January 27 2018]
நடிகரும் தயாரிப்பாளருமான உதயநிதி கடந்த சில நாட்களாக அரசியல் குறித்து பரபரப்பான கருத்துக்களை தெரிவித்து வருகிறார். அவர் வரும் சட்டமன்ற தேர்தலில் போட்டியிட வாய்ப்பு இருப்பதாகவும் கூறப்படுகிறது.
இந்த நிலையில் விரைவில் வரவுள்ள உள்ளாட்சி தேர்தலில் உதயநிதி ஸ்டாலின் சென்னை மாநகராட்சி மேயர் பதவிக்கு போட்டியிடுவார் என்று நேற்று முதல் சமூக வலைத்தளங்களில் வதந்தி ஒன்று பரவி வருகிறது.
ஆனால் இதுகுறித்து கருத்து கூறிய முன்னாள் சென்னை மேயரும் சைதாப்பேட்டை தொகுதி எம்.எல்.ஏவுமான மா.சுப்பிரமணியன் சென்னை மாநகராட்சி மேயர் பதவிக்கு உதயநிதி போட்டியிடுவார் என்பது அதிகாரப்பூர்வ தகவல் இல்லை என்று கூறியுள்ளார். இருப்பினும் இந்த வதந்தி உண்மையாகுமா? சென்னையின் முக்கிய பதவியான மேயர் பதவியை உதயநிதி கைப்பற்றுவாரா? என்பதை பொறுத்திருந்து பார்ப்போம்