త్రిష విజ్ఞ‌ప్తి.. ప‌ట్టించుకుంటారా?
- IndiaGlitz, [Monday,November 05 2018]
త్రిష ఓ ప్రముఖ టీవీ ఛానెల్‌కు ఓ విజ్ఞ‌ప్తి చేశారు. మ‌రి ఆ చానెల్ వారు ప‌ట్టించుకుంటారా? అనేది ఇప్పుడు అంద‌రిలోనూ మెదులుతున్న ప్ర‌శ్న. వివ‌రాల్లోకెళ్తే.. విజ‌య్ సేతుప‌తి, త్రిష న‌టించిన చిత్రం '96'. గ‌త అక్టోబ‌ర్ నెల‌లో విడుద‌లైన ఈ చిత్రం చాలా పెద్ద విజయాన్ని సాధించింది. ఈ సినిమా శాటిలైట్ హ‌క్కులు కొన్న స‌న్ టీవీ ..
ఈ దీపావ‌ళి సంద‌ర్భంగా సినిమాను టెలికాస్ట్ చేయాల‌ని నిర్ణ‌యించుకున్నారు. అయితే 80 శాతం థియేట‌ర్స్‌లో సినిమా ఇంకా స‌క్సెస్‌ఫుల్‌గా ర‌న్ అవుతోంది. ఇలాంటి స‌మ‌యంలో టీవీలో సినిమా టెలికాస్ట్ అయితే సినిమా కొన్న డిస్ట్రిబ్యూట‌ర్స్‌, ఎగ్జిబిట‌ర్స్‌కు చాలా న‌ష్టం వాటిల్లుతుంది. కాబ‌ట్టి సినిమాను టెలికాస్ట్ చేయ‌వ‌ద్దంటూ త్రిష త‌న ట్విట్ట‌ర్ అకౌంట్ ద్వారా స‌న్ టీవీకి విజ్ఞ‌ప్తి చేసింది. మ‌రి త్రిష విన్న‌పాన్ని ఛానెల్ ప‌ట్టించుకుంటుందో లేదో చూడాలి.