ఆ ముగ్గురు మళ్లీ కలిసారు..హిట్ కొడతారామరి?
- IndiaGlitz, [Tuesday,August 08 2017]
ఇష్క్, గుండె జారి గ‌ల్లంత‌య్యిందే సినిమాల‌తో తిరిగి విజ‌యాల బాట ప‌ట్టిన నితిన్‌కి.. ఆ తరువాత రిలీజైన కొన్ని సినిమాలు చేదు ఫ‌లితాన్నే ఇచ్చాయి. మళ్లీ నితిన్ కెరీర్ తిరోగ‌మ‌నం ప‌డుతుందా అని ప‌రిశ్ర‌మ వ‌ర్గాలు అనుకుంటున్న సమ‌యంలో.. త్రివిక్ర‌మ్ ద‌ర్శ‌క‌త్వంలో వ‌చ్చిన అఆ నితిన్‌కి కొత్త ఉత్సాహాన్ని ఇచ్చింది. అఆ తరువాత ఏడాదికి పైగా గ్యాప్‌తో లై సినిమాతో వ‌స్తున్నాడు నితిన్. కృష్ణ‌గాడి వీరప్రేమ‌గాథ ఫేమ్ హ‌ను రాఘ‌వ‌పూడి ద‌ర్శ‌క‌త్వంలో వ‌స్తున్న ఈ చిత్రం ఈ నెల 11న విడుద‌ల కానుంది. ఆస‌క్తిక‌ర‌మైన విష‌య‌మేమిటంటే..
ఇందులో సీనియ‌ర్ న‌టుడు అర్జున్ కీల‌క పాత్ర పోషిస్తుండ‌డం. గ‌తంలో నితిన్, అర్జున్, సంగీత ద‌ర్శ‌కుడు మ‌ణిశ‌ర్మ కాంబినేష‌న్‌లో శ్రీ ఆంజ‌నేయం వ‌చ్చిన సంగ‌తి తెలిసిందే. 13 ఏళ్ల గ్యాప్ తరువాత మళ్లీ ఈ ముగ్గురు లై కోసం క‌లిసి ప‌నిచేస్తున్నారు. శ్రీ ఆంజ‌నేయం ఆశించిన విజ‌యం సాధించ‌లేదు.. మ‌రి లై తోనైనా ఈ త్ర‌యం జ‌యం అందుకుంటారో లేదో చూడాలి.