జోడి కుదిరేనా?
- IndiaGlitz, [Tuesday,April 02 2019]
నేటి త‌రం స్టార్ హీరోలైన మ‌హేష్‌, ఎన్టీఆర్‌, చ‌ర‌ణ్‌ల‌తో క‌లిసి న‌టించిన స‌మంత యంగ్ రెబ‌ల్‌స్టార్ ప్ర‌భాస్‌తో మాత్రం జోడి క‌ట్టలేదు. అయితే వ‌చ్చే ఏడాది ప్రభాస్ జ‌త‌గా స‌మంత న‌టిస్తుంద‌ని వార్త‌లు విన‌ప‌డుతున్నాయి. ప్ర‌స్తుతం సాహో, జాన్(విన‌ప‌డుతున్న టైటిల్‌) చిత్రాల‌తో బిజీగా ఉన్న ప్రభాస్ వ‌చ్చే ఏడాది దిల్‌రాజు బ్యాన‌ర్‌లో ఓ సినిమా చేయ‌బోతున్నాడట.
ఈ చిత్రంలో ప్రభాస్ జ‌త‌గా స‌మంత‌ను న‌టింప చేయాల‌ని దిల్‌రాజు భావిస్తున్నాడ‌ట. ప్ర‌స్తుతం దిల్‌రాజుతో '96' తెలుగు రీమేక్ 'జాన‌కి దేవి'లో శ‌ర్వానంద్‌తో న‌టిస్తున్న స‌మంత .. దిల్‌రాజు బ్యాన‌ర్‌లో మ‌రో రెండు సినిమాల‌కు అగ్రిమెంట్ చేసింద‌ట. అందులో భాగంగా ప్రభాస్ సినిమాలో న‌టించే అవ‌కాశాలున్నాయ‌ని టాక్‌. మ‌రి అన్నీ స‌వ్యంగా కుదిరి ప్రభాస్, స‌మంత జోడి వెండితెర‌పై సంద‌డి చేస్తుందో లేదో చూద్దాం...