தமிழகத்தில் கொரோனா ஊரடங்கு குறித்து தலைமை தேர்தல் அதிகாரி சத்யபிரதா சாகு முக்கிய தகவலை வெளியிட்டு உள்ளார்.

சட்டமன்றத்தேர்தல் முடிவடைந்த நிலையில், வாக்கு எண்ணிக்கை மே-2 ஆம் தேதி நடைபெற இருக்கிறது. இதைத்தொடரந்து மே 1,2-ஆம் தேதிகளில் ஊரடங்கை அமல்படுத்தவேண்டும் என சென்னை உய்ரநீதிமன்றம் பரிந்துரை செய்த நிலையில், தலைமைத் தேர்தல் அதிகாரி சத்யபிரதா சாகு இதுகுறித்து விளக்கம் அளித்துள்ளார். வாக்கு எண்ணிக்கை பற்றிய தகவல்களை அரசிடம் தெரிவித்துள்ளோம். ஊரடங்கு குறித்த முடிவுகளை அரசே முடிவெடுக்கும் என்றும் அவர் கூறியுள்ளார்.

தமிழகத்தில் கொரோனா பாதிப்பு அதிகமுள்ள மாவட்டங்களில் கூடுதல் கட்டுப்பாடுகள் விதிப்பது குறித்து, தலைமை செயலாளர் மாவட்ட ஆட்சியர்களோடு ஆலோசனை மேற்கொண்டு வருகிறார். கோவை, திருவள்ளூர், காஞ்சிபுரம், சென்னை,செங்கல்பட்டு உள்ளிட்ட மாவட்டங்களில் தொற்று பரவல் அதிகமாக இருக்கிறது. இப்பகுதிகளில் கூடுதல் கட்டுப்பாடுகள் விதிப்பது குறித்து இக்கூட்டத்தில் முடிவெடுக்கப்படும் என்று எதிர்பார்க்கப்படுகிறது. மருத்துவர் குழுமமும் இதில் பங்கேற்றுள்ளனர் என்பது குறிப்பிடத்தக்கது.