ఆ రీమేక్లో శ్రియా శరన్ న‌టిస్తుందా..?
- IndiaGlitz, [Wednesday,September 09 2020]
నితిన్ హీరోగా బాలీవుడ్ సూప‌ర్‌హిట్ మూవీ ‘అంధాదున్’ రీమేక్ సినిమా రీమేక్ చేయ‌డానికి ప్ర‌య‌త్నాలు జ‌రుగుతున్న సంగ‌తి తెలిసిందే. ఈ రీమేక్‌ను తెలుగులో మేర్ల‌పాక గాంధీ తెర‌కెక్కించ‌నున్నారు. బాలీవుడ్‌లో టబు చేసిన పాత్ర చాలా కీల‌కంగా ఉంటుంది. ఈ పాత్ర కోసం టబు, రమ్య‌కృష్ణ, న‌య‌న‌తార వంటి హీరోయిన్స్ పేర్లు ప్ర‌ముఖంగా విన‌ప‌డ్డాయి. న‌య‌న‌తార అయితే భారీ రెమ్యున‌రేష‌న్ కోట్ చేయ‌డంతో నిర్మాత‌లు వెన‌క‌డుగు వేసిన‌ట్లు స‌మాచారం. ఇప్పుడు ఈ లిస్టులో మ‌రో హీరోయిన్ చేరింద‌ట. ఆమె ఎవ‌రో కాదు.. శ్రియా శరన్.
అండ్రూను పెళ్లి చేసుకున్న త‌ర్వాత శ్రియా శరన్ సినిమా్ల్లో న‌టించ‌లేదు. ఎన్టీఆర్ క‌థానాయ‌కుడులో అతిథి పాత్ర‌లో శ్రియా త‌ళుక్కున మెరిసిందంతే. మ‌ధ్య మ‌ధ్య‌లో ఒక‌ట్రెండు సినిమాల్లో శ్రియ పేరు విన‌ప‌డినా ఏదీ మెటీరియ‌లైజ్ కాలేదు. అయితే ఇప్పుడు క్ర‌మంగా శ్రియా శరన్ సినిమాల్లో న‌టించ‌డానికి ఓకే చెబుతున్నారు. ఇప్ప‌టికే రాజ‌మౌళి తెర‌కెక్కిస్తోన్న్ ‘రౌద్రం ర‌ణం రుధిరం’ సినిమాలో న‌టిస్తోన్న శ్రియ.. ఇప్పుడు అంధాదున్ రీమేక్లో నటిస్తుందని వార్తలు వినిపిస్తున్నాయి. మరి ఈ రీమేక్ త‌ర్వాత శ్రియా శరన్, తెలుగులో వ‌రుస సినిమాలు చేస్తుందా? లేదా? అని చూడాలి.