కంటెంట్ బేస్డ్ మూవీస్‌తో ప్రేక్ష‌కుల‌ను అల‌రిస్తున్న యువ క‌థానాయ‌కుడు శ‌ర్వానంద్‌. ఈ యంగ్ హీరో సంక్రాంతి, ద‌స‌రా సీజ‌న్‌లో సంద‌డి చేసిన చిత్రాలు మంచి విజ‌యం సాధించాయి. 2016 సంక్రాంతికి ఎక్స్ ప్రెస్ రాజా, 2017 సంక్రాంతికి శ‌త‌మానం భ‌వ‌తి చిత్రాల‌తో సందడి చేసిన శ‌ర్వాకి ఆయా చిత్రాలు మంచి విజ‌యాన్ని అందించాయి.

ఇక గ‌తేడాది ద‌సరాకి వ‌చ్చిన మ‌హానుభావుడు కూడా శ‌ర్వాకి మ‌రచిపోలేని విజ‌యాన్ని అందించింది. ఈ నేప‌థ్యంలో.. మ‌రోసారి విజ‌య‌ద‌శ‌మికి ప‌ల‌క‌రించ‌బోతున్నారు ఈ యువ క‌థానాయ‌కుడు. ఆ చిత్ర‌మే ప‌డిప‌డి లేచె మ‌న‌సు. సాయిప‌ల్ల‌వి క‌థానాయిక‌గా న‌టిస్తున్న ఈ చిత్రానికి హ‌ను రాఘ‌వ‌పూడి ద‌ర్శ‌క‌త్వం వ‌హిస్తున్నారు.

క‌ల‌క‌త్తా నేప‌థ్యంలో సాగే ఈ ప్రేమ కథా చిత్రం కూడా హిట్ అయితే.. శ‌ర్వాకి సంక్రాంతితో పాటు ద‌స‌రా సీజ‌న్ కూడా ల‌క్కీ సీజ‌న్ అయిన‌ట్టే. మ‌రి శ‌ర్వానంద్ ద‌స‌రా సెంటిమెంట్‌ని రిపీట్ చేస్తాడేమో చూడాలి.