ஹாட்ரிக் வெற்றி பெறுவாரா சாயிஷா?
- IndiaGlitz, [Wednesday,July 25 2018]
விஜய் இயக்கிய 'வனமகன்' படத்தில் அறிமுகமான சாயிஷா, அந்த படம் எதிர்பார்த்த வெற்றியை பெறவில்லை என்றாலும், முன்னணி நடிகர்களுடன் நடிக்க ஒப்பந்தமானார்.
இந்த நிலையில் கார்த்தியுடன் சாயிஷா நடித்த 'கடைக்குட்டி சிங்கம்' மிகப்பெரிய வெற்றி பெற்றது. இதனையடுத்து வரும் வெள்ளியன்று விஜய்சேதுபதியுடன் அவர் நடித்த 'ஜூங்கா' படம் வெளியாகவுள்ளது. இந்த படத்திற்கு ஏற்கனவே நல்ல எதிர்பார்ப்பு இருப்பதால் இந்த படம் வெற்றி பெறும் என்று எதிர்பார்க்கப்படுகிறது.
மேலும் அடுத்த வாரம் அதாவது ஆகஸ்ட் 3ஆம் தேதி ஆர்யாவுடன் சாயிஷா நடித்த 'கஜினிகாந்த்' திரைப்படம் வெளியாகவுள்ளது. ஏற்கனவே இரண்டு ஹிட் படங்களை இயக்கிய சந்தோஷ் ஜெயகுமாரின் 3வது படம் இது என்பதால் இந்த படத்திற்கும் நல்ல எதிர்பார்ப்பு உள்ளது.
இந்த நிலையில் 'கடைக்குட்டி சிங்கம்' படத்திற்கு பின்னர் 'ஜூங்கா' மற்றும் 'கஜினிகாந்த்' ஆகிய இரண்டு படங்களும் வெற்றி பெற்றால் சாயிஷாவுக்கு ஹாட்ரிக் வெற்றி கிடைக்கும். இந்த அதிசயம் நிகழுமா? என்பதை பொறுத்திருந்து பார்ப்போம்
மேலும் தற்போது சாயிஷா, கே.வி.ஆனந்த் இயக்கி வரும் 'சூர்யா 37' படத்தின் நாயகியாகவும் நடித்து வருகிறார் என்பது குறிப்பிடத்தக்கது