తెలుగు రియాలిటీ షో బిగ్‌బాస్‌ సీజన్‌ 4 ఆరు వారాలను పూర్తి చేసుకుంటుంది. అయితే తర్వలోనే కొన్ని వారాల పాటు బిగ్‌బాస్‌4కు వ్యాఖ్యాతగా వ్యవహరిస్తున్న నాగార్జున అక్కినేని కనిపించబోవడం లేదట. అందుకు కారణమేంటనే సంగతి ప్రత్యేకంగా చెప్పనక్కర్లేదు. త్వరలోనే ఆయన తన వైల్డ్‌డాగ్‌ సినిమా షూటింగ్‌ కోసం థాయ్‌లాండ్‌ వెళ్లబోతున్నాడట. రెండు, మూడు వారాల పాటు షూటింగ్‌ అక్కడ జరగనుండటంతో నాగార్జున బిగ్‌బాస్‌ 4కు అందుబాటులో ఉండబోవడం లేదట. అయితే నాగార్జున స్థానంలో ప్రేక్షకులను మెప్పించేదెవరు? అనేది సర్వత్రా చర్చ జరుగుతుంది.

అయితే నెట్టింట మాత్రం బిగ్‌బాస్‌ నిర్వాహకులు నాగార్జున స్థానంలో ఆయన కోడలు, స్టార్‌ హీరోయిన్‌ సమంత అక్కినేనిని హోస్ట్‌ కనిపించేలా ఒప్పించారని వార్తలు వినిపిస్తున్నాయి. బిగ్‌బాస్‌ సీజన్‌ 3 సమయంలోనూ నాగార్జున షూటింగ్‌ కోసం కొన్ని రోజులు గ్యాప్‌ తీసుకుంటే ఆ స్థానంలో రమ్యకృష్ణ.. బిగ్‌బాస్‌ షోకు హోస్ట్‌గా వ్యవహరించారు. ఇప్పుడు నాలుగో సీజన్ కూడా అదే సీన్ రిపీట్ అవుతుంది. ఒకవేళ ఇది నిజమైతే మాత్రం.. సమంత చేస్తున్న తొలి బుల్లితెర ఎంట్రీ ఇదే అవుతుంది. అంతే కాదు.. సమంత ప్రేకకులను ఎలా ఆకట్టుకుంటుందనేది మరింత ఆసక్తిగానూ మారింది. మరి ఈ సస్పెన్స్ కు తెరపడాలంటే వెయిటింగ్ తప్పదు.