ఆర్జీవీ కుల కుంపటి.. ‘సాహో’ కు దెబ్బ తప్పదా!?
- IndiaGlitz, [Tuesday,August 27 2019]
టాలీవుడ్ ఇండస్ట్రీ మొదలైన నాటి నుంచి నేటి వరకూ ఇందులో క్యాస్ట్ ఫీలింగ్ అనే విషయం ఎక్కడో ఒక చోట కనిపిస్తూనే ఉంటుంది. ఇది ఆది నుంచి ఉన్నది.. ఎవరు ఒకప్పుకున్నా.. ఒప్పుకోకపోయినా ఇది జగమెరిగిన సత్యం. ఒక్క మాటలో చెప్పాలంటే కొన్ని అగ్రకులాలే ఇండస్ట్రీని ఏలేస్తున్నాయని చెప్పుకోవచ్చు కూడా. అయితే వివాదాలకు కేరాఫ్ అడ్రస్‌గా పేరుగాంచిన ఆర్జీవీ.. ‘కమ్మరాజ్యంలో కడపరెడ్లు’ సినిమా ఏకంగా ఇటు రాజకీయాలు.. అటు సినిమాల్లోని అగ్రకులస్థులను లాగిపారేశాడు. అసలు ఈ సినిమాకు ఏ మాత్రం సంబంధంలేని యంగ్ రెబల్ స్టార్‌ ప్రభాస్‌ను ఈ వివాదంలోకి లాగి మరి రచ్చరచ్చకు తెరలేపాడు వర్మ.
అంతటితో ఆగని ఆయన.. తనది, ప్రభాస్‌ది ఒకే కులమని కూడా చెప్పుకొచ్చాడు. అయితే ఈ వివాదం టాలీవుడ్‌లో కోడైకూస్తున్నప్పటికీ ఇంతవరకూ ప్రభాస్ మాత్రం రియాక్ట్ అవ్వలేదు. అయితే కుల రగడ వల్ల ‘సాహో’ కు కచ్చితంగా ఎంతో కొంత నష్టం వాటిల్లే అవకాశాలు ఉంటాయని తెలుస్తోంది. వాస్తవానికి అభిమానించే కార్యకర్తలు, సినీ అభిమానులు అయితేనేం కులాలు, మతాలు చూడరు.. నమ్మితే ప్రాణం ఇవ్వడానికి కూడా సిద్ధంగా ఈ ఫ్యాన్స్‌ కాలంలో ఆర్జీవీ అనసవరం ఇలాంటివి కెలికి మరీ వివాదం రేపారని తెలుస్తోంది.
ఈ కుల పంచాయితీ ఎలా ఉన్నప్పటికీ ఈనెల 30న విడుదలకు సిద్ధమైన ‘సాహో’కు ఎలాంటి సమస్యలు తెచ్చిపెడుతుందో.. అంతేకాదు కనీసం ఈ వ్యవహారంపై ప్రభాస్‌లో కదిలకలు ఉంటాయా..? లేకుంటే టీడీపీ అధినేత చంద్రబాబు, సీఎం వైఎస్ జగన్ లాంటి పెద్ద పెద్దలు మధ్య తనపేరూ వచ్చిందని సంతోషంతో మిన్నకుండిపోతారా అనేది తెలియాల్సి ఉంది మరి.
My CASTE FEELING song trending on YouTube along with my Raju caste Prabhas's #Saaho song. Feeling proud to celebrate my caste feeling on this occasion. jai Rajus, Jai Prabhas , Jai Saaho#KRKRhttps://t.co/oE62L2SIFp
— Ram Gopal Varma (@RGVzoomin) August 27, 2019