ఇంత‌కీ ర‌వితేజ... విక్ర‌మా? వేదానా?
- IndiaGlitz, [Tuesday,August 27 2019]
ఇంత‌కీ ర‌వితేజ ఏ పాత్ర‌ను చూజ్ చేసుకోబోతున్నారు? విక్ర‌మ్‌గా క‌నిపించ‌డానికి ఇష్ట‌ప‌డ‌తారా... వేదాగా చేయ‌డానికి మొగ్గుచూపుతారా? ఆ విష‌యాన్ని సుధీర్ వ‌ర్మ చెప్పాలి. ఎందుకంటే ఇప్పుడు స్క్రిప్ట్ ప‌రంగా వ‌ర్క్ చేస్తున్న‌ది సుధీర్ వ‌ర్మ‌కాబ‌ట్టి. 'విక్రమ్ వేద' చిత్రం త‌మిళంలో మాధ‌వ‌న్‌, శ్ర‌ద్ధా శ్రీనాథ్‌, విజ‌య్ సేతుప‌తి కీల‌క పాత్ర‌ల్లో న‌టించిన చిత్రం. తెలుగులో సుధీర్ వ‌ర్మ ఈ ప్రాజెక్ట్ ను హ్యాండిల్ చేస్తున్నారు.
విక్రమ్ వేద స్క్రిప్ట్ ను తెలుగు సెన్సిబిలిటీస్‌కి అనుగుణంగా ఆయ‌న తెర‌కెక్కించ‌డానికి స‌న్నాహాలు చేస్తున్నారు. ఆ క్ర‌మంలోనే మార్పులూ చేర్పులూ జ‌రుగుతున్నాయి. విక్రమ్ పాత్ర పోలీస్ ఆఫీసర్ పాత్ర. పోలీస్ పాత్ర‌ల్లో ఫిట్‌గా ఉండ‌టం ర‌వితేజ‌కు కొత్త కాదు. మ‌రో పాత్ర విల‌న్ పాత్ర. ఆ పాత్ర మాత్రం కొత్త‌గానే ఉంటుంది. అయినా విక్రమ్ పాత్ర మీదే ర‌వితేజ మ‌న‌సు ప‌డ్డ‌ట్టు తెలుస్తోంది. అదే నిజ‌మైతే మ‌రి వేద పాత్ర ఎవరు చేస్తార‌నేది కూడా ఆస‌క్తిక‌ర‌మే. ఆర్‌.ఎక్స్.100 కార్తికేయ చేయొచ్చ‌నే ఖ‌బ‌ర్ చ‌క్క‌ర్లు కొడుతోంది.
ఇంత‌కీ క‌థేంటి?
విక్రమ్ పోలీస్ ఆఫీసర్. వేద గ్యాంగ్‌స్ట‌ర్‌. అత‌న్ని చేజ్ చేస్తాడు విక్రమ్. ఒకానొక సంద‌ర్భంలో విక్రమ్ కీ, వేదాకి మ‌ధ్య ప్రొఫెష‌న‌ల్ విష‌యం ప‌క్క‌కు జ‌రిగి, ప‌ర్స‌న‌ల్ రైవ‌ల్రీ మొద‌ల‌వుతుంది. ఆ క్యాట్ అండ్ మౌస్ ఫైట్ ఎందుకు? ఏం జ‌రిగింది? అనేది ఆస‌క్తిక‌రం. త‌మిళంలో ఈ సినిమా శ్ర‌ద్ధ శ్రీనాథ్‌కు మంచి పేరు తెచ్చిపెట్టింది. మ‌రి తెలుగులో ఆమెను తీసుకుంటారా? లేదా అనేది కూడా తెలియాల్సి ఉంది.
త‌మిళంలో ఈ చిత్రాన్ని నిర్మించిన వైనాట్ స్టూడియోస్ తెలుగులోనూ ఈ సినిమాను నిర్మించ‌నుంది. ర‌వితేజ ప్ర‌స్తుతం 'డిస్కోరాజా' సినిమా షూటింగ్ లో బిజీగా ఉన్నారు. సైఫైగా తెర‌కెక్కే ఆ చిత్రంలో ఆయ‌న ద్విపాత్రాభినయం చేస్తున్నారు. వి.ఐ.ఆనంద్ ద‌ర్శ‌క‌త్వం వ‌హిస్తున్న చిత్ర‌మిది. రామ్ తాళ్లూరి ద‌ర్శ‌క‌త్వం వ‌హిస్తున్నారు. సుధీర్ వ‌ర్మ ఇటీవ‌ల తెర‌కెక్కించిన 'ర‌ణ‌రంగం' అనుకున్నంత‌గా ప్రేక్ష‌కుల మ‌న‌సుల‌ను దోచుకోలేక‌పోయింది.