'బ్రూస్‌లీ - ది ఫైట‌ర్' అంటూ అతి త్వ‌ర‌లో వెండితెర‌పై న‌వ‌ర‌సాల‌ను పండించేందుకు సిద్ధ‌మ‌వుతున్నాడు రామ్‌చ‌ర‌ణ్. శ్రీ‌నువైట్ల ద‌ర్శ‌క‌త్వంలో రూపొందిన ఈ సినిమాకి యువ సంచ‌ల‌నం ఎస్‌.ఎస్‌.థ‌మ‌న్ అందించిన పాట‌లు ఇప్ప‌టికే మంచి ఆద‌ర‌ణ పొందాయి. ఈ నేప‌థ్యంలో సినిమాపైనా భారీ అంచ‌నాల‌నే నెల‌కొన్నాయి. ఇన్‌సైడ్ సోర్స్ ప్ర‌కారం.. సినిమా చాలా బాగా వ‌చ్చింద‌ని.. ఆల్ సెక్ష‌న్ ఆడియ‌న్స్‌ని టార్గెట్ చేసుకున్న ఈ సినిమా చెర్రీ కెరీర్‌లో వ‌న్ ఆఫ్ ది బెస్ట్ హిట్స్‌గా నిల‌వ‌డం ఖాయంగా వినిపిస్తోంది.

ఇదిలా ఉంటే.. 2012 నుంచి రామ్ చ‌ర‌ణ్ కెరీర్‌ని ప‌రిశీలిస్తే.. సంవ‌త్స‌రానికో విజ‌యం త‌న ఖాతాలో చేరుతోంది. 2012లో 'ర‌చ్చ‌', 2013లో 'నాయ‌క్', 2014లో 'ఎవ‌డు' చిత్రాల‌తో వరుస సంవ‌త్స‌రాల‌లో హిట్స్‌ని త‌న ఖాతాలో వేసుకున్న చ‌ర‌ణ్‌.. 2015వ సంవ‌త్స‌రానికిగానూ 'బ్రూస్‌లీ' రూపంలో ఆ ప‌రంప‌ర‌ని కొన‌సాగిస్తాడా? లేదా? అనేది ఆస‌క్తిక‌రంగా మారింది.