Click here for 'Puli' Gallery

இளையதளபதி விஜய் நடித்துள்ள 'புலி' படத்தின் டீசர், டிரைலர் மற்றும் பாடல்கள் ரசிகர்களின் மாபெரும் வரவேற்பை பெற்றுள்ள நிலையில் இந்த படம் வரும் அக்டோபர் 1ஆம் தேதி ரிலீஸாகும் என அறிவிக்கப்பட்டுள்ளது. விஜய் ரசிகர்கள் மட்டுமின்றி திரைப்பட ஆர்வலர்கள் அனைவருமே அக்டோபர் 1ஆம் தேதியை எதிர்நோக்கி காத்திருக்கும் நிலையில், இந்தப் படம் வரும் செப்டம்பர் 10 அல்லது 11 ஆம் தேதி சென்சார் பார்வைக்கு அனுப்பப்படும் என நம்பத்தகுந்த வட்டாரங்களிலிருந்து உறுதியான தகவல்கள் வெளியாகியுள்ளன. .

விஜய்யின் படங்களுக்கு குடும்பத்துடன் படம் பார்க்க வருபவர்கள் அதிகம் என்பதால் அவரது பெரும்பாலான படங்கள் 'யூ'சர்டிபிகேட் கிடைக்கும் வகையில்தான் இதுவரை எடுக்கப்பட்டுள்ளன என்பது குறிப்பிடத்தக்கது.`புலி` படமும் 'யூ' சர்டிபிகேட் கிடைக்கும் வகையில்தான் எடுக்கப்பட்டிருக்கும் என்று உறுதியாக நம்பலாம். .

இந்த படத்தை பொறுத்தவரையில் மன்னர் காலத்து கதை என்பதால் 'யூ'சர்டிபிகேட் கிடைப்பதில் எவ்வித சிக்கலும் இருக்காது என்றே கருதப்படுகிறது. மேலும் 'புலி' படத்தின் பட்ஜெட் இதுவரை வெளிவந்த விஜய் படங்களை விட மிக அதிகம் என்பதால், கண்டிப்பாக தமிழக அரசின் வரிவிலக்கு இந்த படத்திற்கு ஒரு பெரும் ஒத்துழைப்பாக இருக்கும். எனவே இந்த படத்திற்கு 'யூ' சர்டிபிகேட் கிடைக்க வேண்டும் என்பதே அனைவரின் விருப்பமாக உள்ளது.