பிக்பாஸ் நிகழ்ச்சியின் மூலம் புகழின் உச்சத்துக்கு சென்றவர் நடிகை ஓவியா. இந்த நிகழ்ச்சியின் மூலம் பல வருடங்கள் திரையுலகில் இருந்தவர்களுக்கு கிடைக்காத புகழ், ஒருசில நாட்களில் ஓவியாவுக்கு கிடைத்தது என்பது குறிப்பிடத்தக்கது. அதேபோல் பிக்பாஸ் நிகழ்ச்சியின் இறுதி வரை சென்று நூலிழையில் பட்டத்தை தவறவிட்டவர் கவிஞர் சினேகன்.

இந்த நிலையில் சினேகன் நடித்து வரும் 'பனங்காட்டு நரி' என்ற படத்தில் அவருக்கு ஜோடியாக நடிக்க ஓவியாவிடம் பேச்சுவார்த்தை நடத்தப்பட்டு வருவதாக கூறப்படுகிறது. இந்த படத்தை கணேஷ்பாபு என்பவர் இயக்கி வருகிறார். இவர் ஓவியாவிடம் இந்த படத்தின் ஒன்லைன் கதையை கூறியுள்ளதாகவும், முழு கதையையும் கேட்ட பின்னர் இந்த படத்தில் நடிப்பது குறித்து ஓவியா முடிவு செய்வார் என்றும் கூறப்படுகிறது

சினேகன் என்றாலே அனைவருக்கும் ஞாபகம் வருவது கட்டிப்பிடி வைத்தியம்தான். அவரது இந்த ஸ்டைல் அவர் நடிக்கும் படத்திலும் இருக்குமா? என்பதை பொறுத்திருந்து பார்ப்போம்