மனம் மாறிய நித்யா: பிக்பாஸ் செய்த ஒரே உருப்படியான விஷயம்
- IndiaGlitz, [Thursday,August 30 2018]
கடந்த இரண்டு மாதங்களில் பிக்பாஸ் நிகழ்ச்சி பார்வையாளர்களை கவர எத்தனையோ முயற்சி எடுத்தும் தோல்வியில்தான் முடிந்தது. கடைசியில் மகத்தின் வெளியேற்றமும், உறவினர்களின் செண்டிமெண்டும், முதல்முறையாக கமல்ஹாசன் எடுத்த அதிரடி முடிவுகளும் நிகழ்ச்சியை பாசிட்டிவ்வாக மாற்றியுள்ளது..
இந்த வாரம் முழுவதும் போட்டியாளர்களின் உறவினர்கள் வந்து கொண்டிருப்பதால் நிகழ்ச்சி அழுகாச்சியாக சென்று கொண்டிருந்தாலும் வீட்டில் உள்ளவர்கள் சண்டை சச்சரவு இல்லாமல் இருப்பது ஒருவகையில் நிம்மதியே. குறிப்பாக பாலாஜியின் மனைவி நித்யா எழுதிய கடிதத்தால் பாலாஜி கண்கலங்கியது கல்நெஞ்சையும் கறைய வைத்தது.
இந்த நிலையில் இன்று பிக்பாஸ் வீட்டிற்குள் நித்யா தனது குழந்தையுடன் வருகிறார். இந்த ஒன்பது வருடத்தில் பாலாஜியின் கண்ணில் முதல்முறையாக கண்ணிரை பார்ப்பதாக கூறிய நித்யா, பாலாஜி மாறிவிட்டதையும் ஒப்புக்கொள்கிறார். அனேகமாக பாலாஜி இந்த வீட்டில் இருந்து வெளியேறியவுடன் மீண்டும் இருவரும் இணைய அதிக வாய்ப்பு உள்ளதாக கருதப்படுகிறது.
பிக்பாஸ் நிகழ்ச்சியால் பார்வையாளர்களுக்கு பல மன உளைச்சல்கள் இருந்தாலும் பாலாஜி குடும்பத்தை சேர்த்து வைத்து பிக்பாஸ் ஒரு உருப்படியான காரியத்தை செய்துள்ளார் என்பதை மறுக்க முடியாது.
மாற்றம் ஒன்றே மாறாதது! ???? #பிக்பாஸ் - தினமும் இரவு 9 மணிக்கு உங்கள் விஜயில்.. #BiggBossTamil #VivoBiggBoss @Vivo_India pic.twitter.com/apeJKnlAmp
— Vijay Television (@vijaytelevision) August 30, 2018