லேடி சூப்பர் ஸ்டார் நயன்தாரா: இப்போதாவது ஒப்புக்கொள்வார்களா?
- IndiaGlitz, [Friday,March 31 2017]
சூப்பர் ஸ்டார் பட்டத்தை அஜித், விஜய் கைப்பற்ற நினைத்தாலே எதிர்ப்பு தெரிவிக்கும் ரஜினி ரசிகர்கள் ராகவா லாரன்ஸ் கைப்பற்றினால் சும்மா இருப்பார்களா? சமீபத்தில் மக்கள் சூப்பர் ஸ்டார் பட்டம் அவரை என்ன பாடு படுத்தியது என்பதை பார்த்தோம்
ஆனால் லேடி சூப்பர் ஸ்டார் என்று கிட்டத்தட்ட அனைத்து ஊடகங்களும் நயன்தாராவை புகழ்ந்து கொண்டிருக்கும் நிலையில் யாரிடம் இருந்தும் எந்தவிதமான எதிர்ப்பும் வெளிவரவில்லை என்பதே ஒரு ஆச்சரியம்தான். லேடி சூப்பர் ஸ்டார் பட்டத்திற்கு நயன்தாரா தகுதியானவர்தானா? என்று சந்தேகத்துடன் கேள்வி கேட்ட ஒருசிலருக்கு இன்று அந்த சந்தேகம் தீர்ந்திருக்கும்
ஆம், இதுவரை ரஜினி, கமல், அஜித், விஜய், போன்ற மாஸ் நடிகர்களுக்கு மட்டுமே பெரிய பெரிய கட்-அவுட்டுக்களை ரசிகர்கள் வைத்து அழகு பார்த்து வந்த நிலையில் முதல்முறையாக நயன்தாராவுக்கு சென்னை ஆல்பர்ட் தியேட்டரில் 'டோரா' படத்தின் மிகபெரிய கட்-அவுட்டை வைத்து நயன்தாராவின் ரசிகர்கள் அசத்தியுள்ளனர். இதன்மூலம் நயன்தாரா லேடி சூப்பர்ஸ்டார் பட்டத்திற்கு தகுதியானவர்தான் என்று நிரூபிக்கப்பட்டுள்ளதாகவே கருதப்படுகிறது.