'లక్ష్మీస్ ఎన్టీఆర్' విడుద‌ల‌వుతుందా?
- IndiaGlitz, [Saturday,March 09 2019]
సీనియ‌ర్ ఎన్టీఆర్ జీవితంలోకి ల‌క్ష్మీ పార్వ‌తి రంగ ప్ర‌వేశం త‌ర్వాత జరిగిన రాజ‌కీయ ప‌రిణామాలు ఆధారంగా రాంగోపాల్ వర్మ 'లక్ష్మీస్ ఎన్టీఆర్' సినిమాను తెర‌కెక్కించాడు. ఈ చిత్రం ఈ నెల 22న విడుద‌ల‌వుతుంది. ఈ సినిమాపై మంచి అంచ‌నాలు నెల‌కొన్నాయి. అస‌లు వర్మ ఎలాంటి నిజాన్ని తెరపై చూపిస్తాడోన‌ని అంద‌రూ ఆస‌క్తిగా చూస్తున్నారు. ఇప్పటికే వర్మ ఓ ట్రైల‌ర్ విడుదల చేస్తే అది సోష‌ల్ మీడియాలో బ‌జ్ క్రియేట్ చేసింది. రీసెంట్‌గా రెండో ట్రైల‌ర్ కూడా విడుద‌లైంది. ఇది కూడా బ‌జ్ క్రియేట్ చేస్తుంది.
ఇలాంటి త‌రుణంలో.. ఈ రెండు ట్రైల‌ర్స్‌లో ఎన్టీఆర్ ప‌దవి పోవ‌డానికి ఆయ‌న కుటుంబ స‌భ్యులే కార‌ణ‌మంటూ వర్మ చూపించనున్నాడ‌ని క్లియ‌ర్‌గా అర్థ‌మైంది. ట్రైల‌ర్స్‌లోని డైలాగులు అభ్యంత‌ర క‌రంగాఉన్నాయ‌ని ఎన్టీఆర్ కుటుంబ స‌భ్యులు భావిస్తున్నార‌ట. అలాగే ఎన్నిక‌లకు రెండు నెల‌లు ముందు ఈ సినిమా విడుద‌లైతే పార్టీకి అది న‌ష్టాన్ని తెస్తుంద‌న‌డంలో సందేహం లేదు. దీంతో ఎన్టీఆర్ కుటుంబ స‌భ్యులు 'లక్ష్మీస్ ఎన్టీఆర్' విడుద‌ల‌ను ఆప‌డానికి హైకోర్టును ఆశ్ర‌యించాల‌నుకుంటున్నార‌ని వార్త‌లు విన‌ప‌డుతున్నాయి.