కొరటాల ప్రయత్నం వర్కవుటయ్యేనా?
Friday, August 11, 2017 • తెలుగు
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
అదేంటోగాని.. మ‌హేష్‌బాబుతో జోడీక‌ట్టే ఉత్త‌రాది భామ‌లు ఒక‌ట్రెండు సినిమాల‌కే ప‌రిమిత‌మ‌వుతుంటారు. ముఖ్యంగా మ‌హేష్ సినిమాల‌తోనే టాలీవుడ్‌లో ఎంట్రీ ఇచ్చే నాయిక‌లు స్టార్ హీరోయిన్‌గా రాణించ‌లేక‌పోతున్నారు. న‌మ్ర‌తా శిరోద్క‌ర్‌, బిపాసా బ‌సు, లీసారే, అమృతా రావు, కృతి స‌న‌న్‌.. ఇలా ప‌లువురు నాయిక‌లు న‌ట‌న‌లోనూ, గ్లామ‌ర్‌లోనూ మెప్పించిన‌ప్ప‌టికీ ఒక‌ట్రెండు సినిమాల‌కే ప‌రిమిత‌మ‌య్యారు. అలాగే ఆయా సినిమాలు మ‌హేష్‌కి వ‌ర్క‌వుట్ అవ‌లేదు కూడా. మురారి కంటే ముందు త‌మిళ డ‌బ్బింగ్ చిత్రాల‌తో సుప‌రిచిత‌మైన సోనాలి బింద్రే మాత్ర‌మే స్టార్ హీరోయిన్‌గా పేరు తెచ్చుకుంది. అలాగే మ‌హేష్‌కి క‌లిసొచ్చింది కూడా.
ఈ నేప‌థ్యంలో కొరటాల శివ ద‌ర్శ‌క‌త్వంలో మ‌హేష్‌బాబు న‌టిస్తున్న కొత్త చిత్రం భ‌ర‌త్ అనే నేనుతో టాలీవుడ్‌కి ప‌రిచ‌యమౌతున్న కైరా అద్వానీ ప‌రిస్థితి ఎలా ఉంటుందో అన్న‌ది ఆస‌క్తిక‌రంగా మారింది. సాధార‌ణంగా కొరటాల శివ సినిమాలంటే విజ‌యానికి ప‌ర్యాయ‌ప‌దంలా ఉంటాయి కాబ‌ట్టి.. మ‌హేష్ తో ఎంట్రీ ఇస్తున్న ఈ భామ టాలీవుడ్‌లో ఓ రేంజ్‌కి వెళ్తుంద‌ని చిత్ర‌వ‌ర్గాలు పేర్కొంటున్నాయి. అలాగే మ‌హేష్‌కి బాలీవుడ్ భామ‌లు క‌లిసిరారు అనేది కూడా కొరటాల ట‌చ్‌తో పోతుంద‌ని చెప్పుకొస్తున్నారు. చూద్దాం.. ఏం జ‌రుగుతుందో? చిత్రీక‌ర‌ణ ద‌శ‌లో ఉన్న ఈ చిత్రం సంక్రాంతి కానుక‌గా విడుదల కానుంది.
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.
Follow
More News
Headlines
Comments