క‌మ‌ల్ హాస‌న్ న‌టించిన తాజా చిత్రం చీక‌టి రాజ్యం. ఈ చిత్రాన్ని రాజేష్ ఎం. సెల్వ తెర‌కెక్కించారు. క‌మ‌ల్ సోద‌రుడు చంద్ర‌హాస‌న్ ఈ సినిమాని నిర్మించారు. దీపావ‌ళి కానుక‌గా చీక‌టి రాజ్యం ప్రేక్ష‌కుల ముందుకు వ‌చ్చేందుకు రెడీ అవుతుంది. ఇక అస‌లు విష‌యానికి వ‌స్తే...ప్ర‌స్తుత ప‌రిస్థితుల్లో సినిమా తీయ‌డం ఒక ఎత్తైతే దానిని ప్రేక్ష‌కుల‌కు చేరువ‌య్యేలా ప్ర‌మోట్ చేయ‌డం మ‌రో ఎత్తు. బాహుబ‌లి సినిమా అంత‌టి సంచ‌ల‌న విజ‌యం సాధించ‌డానికి ప్ర‌ధాన కార‌ణం మీడియా చేసిన‌ ప్ర‌మోష‌నే.

ఈ విష‌యాన్నితెలుసుకునే మ‌హేష్ బాబు శ్రీమంతుడు చిత్రానికి ఓ రేంజ్ లో ప్ర‌మోష‌న్ చేసాడు. ఎప్పుడూ మీడియాకి దూరంగా ఉండే మ‌హేష్ దాదాపు అన్ని ఛాన‌ల్స్ కి స్పెష‌ల్ ఇంట‌ర్ వ్యూలు ఇచ్చాడు. శ్రీమంతుడు ఏ రేంజ్ స‌క్సెస్ సాధించిందో తెలిసిందే. ఇప్పుడు క‌మ‌ల్ కూడా బాహుబ‌లి, శ్రీమంతుడు ప్ర‌మోష‌న్ స్టాట‌జీనే ఫాలో అవుతున్నాడు. చీక‌టి రాజ్యం రిలీజ్ కి నెల రోజుల టైం ఉండ‌గానే ప్ర‌మోష‌న్ ప్రారంభించాడు.మ‌రి..స‌క్సెస్ కోసం క‌మ‌ల్ చేస్తున్న ప్ర‌య‌త్నం ఫ‌లిస్తుందా..? చీక‌టి రాజ్యం విజ‌యం సాధిస్తుందా..? అనేది తెలియాలంటే మ‌రికొన్ని రోజులు ఆగాల్సిందే.