కాజ‌ల్‌కు రెండో సారి కలిసొస్తుందా?
- IndiaGlitz, [Monday,April 30 2018]
టాలీవుడ్ చంద‌మామ కాజ‌ల్ అగ‌ర్వాల్‌కు గ‌త ఏడాది మంచి విజ‌యాలే ద‌క్కాయి. ముఖ్యంగా.. మెగాస్టార్ చిరంజీవితో తొలిసారిగా క‌లిసి నటించిన ఖైదీ నెం.150 ఆమె కెరీర్‌లో బిగ్గెస్ట్ హిట్ చిత్రాల‌లో ఒక‌టిగా నిలిచింది. ఈ సినిమా త‌మిళంలో విజ‌యం సాధించిన క‌త్తి సినిమా ఆధారంగా తెర‌కెక్కిన సంగ‌తి తెలిసిందే. ఒరిజ‌న‌ల్ వెర్ష‌న్‌లో సమంత చేసిన పాత్ర‌లో కాజ‌ల్ సంద‌డి చేసింది.
అంటే.. సమంత చేసిన పాత్ర కాజ‌ల్‌కు కూడా బాగానే క‌లిసొచ్చింద‌న్న‌మాట. ఈ నేప‌థ్యంలో.. మ‌రోసారి సమంత చేసిన పాత్ర‌లో క‌నిపించేందుకు సిద్ధ‌మ‌వుతోంది కాజ‌ల్. త‌మిళంలో ఘ‌న‌విజ‌యం సాధించిన తెరి సినిమాని తెలుగులో ర‌వితేజ హీరోగా సంతోష్ శ్రీ‌నివాస్ రీమేక్ చేయ‌బోతున్న సంగ‌తి తెలిసిందే.
ఒరిజ‌న‌ల్‌లో సమంత చేసిన పాత్ర‌ని ఇక్క‌డ కాజ‌ల్ చేయ‌నుంద‌ని టాలీవుడ్ వ‌ర్గాలు పేర్కొంటున్నాయి. సమంత చేసిన పాత్ర‌లో రెండోసారి సంద‌డి చేయ‌నున్న కాజ‌ల్‌కి ఈ సారి కూడా క‌లిసొస్తుందేమో చూడాలి. అన్న‌ట్టు.. ఈ రెండు త‌మిళ చిత్రాల్లోనూ విజయ్ క‌థానాయ‌కుడు కావ‌డం విశేషం.