தல அஜித் நடித்த 'விஸ்வாசம்' திரைப்படத்தில் யாரும் எதிர்பாராத வகையில் தந்தை-மகள் பாச செண்டிமெண்ட் மிகப்பெரிய அளவில் ரசிகர்கள் மத்தியில் வரவேற்பை பெற்றதால் 'தல 59' படத்திலும் ஒரு மகள் கேரக்டர் உருவாக்கப்பட்டு அதில் ஸ்ரீதேவி-போனிகபூர் மகள் ஜான்வி கபூர் நடிக்கவுள்ளதாக கூறப்படுகிறது.

ஜான்வி கபூர் பாலிவுட்டில் அறிமுகமான இந்தி படமான 'தடக்' எதிர்பார்த்த வரவேற்பை பெறவில்லை. அதேபோல் ஜான்விகபூர் தமிழ்ப்படத்தில் நடிக்கவேண்டும் என்ற ஆசை ஸ்ரீதேவிக்கு இருந்ததாம்.

இதனையடுத்து அஜித்துடன் இணைந்தால் ஒரு வெற்றிப்படம் கிடைக்கும் என்பதாலும், ஸ்ரீதேவியின் ஆசையை நிறைவேற்றும் வகையிலும் இந்த படத்தில் ஜான்வி கபூர் நடிக்கவுள்ளதாக கூறப்படுகிறது

'பிங்க்' படத்தில் இல்லாத வித்யாபாலன் கேரக்டரை உருவாக்கிய இயக்குனர் ஹெச்.வினோத், ஜான்வி கபூருக்காகவும் மகள் கேரக்டரை உருவாக்குவார் என எதிர்பார்க்கப்படுகிறது.