యంగ్ టైగ‌ర్ ఎన్టీఆర్, కొర‌టాల శివ కాంబినేష‌న్ రూపొందుతోన్న చిత్రం జ‌న‌తాగ్యారేజ్`. సినిమా ప్ర‌స్తుతం శ‌ర‌వేగంగా విడుద‌ల‌కు సిద్ధ‌మ‌వుతుంది. మిర్చి, శ్రీమంతుడు చిత్రాలు త‌ర్వాత ద‌ర్శ‌కుడు కొర‌టాల శివ తెర‌కెక్కిస్తున్న మూడో చిత్ర‌మిది. ఇందులో మ‌ల‌యాళ సూప‌ర్ స్టార్ మోహ‌న్‌లాల్ కీల‌క‌ పాత్ర‌లో క‌న‌ప‌డుతున్నాడు. స‌మంత‌, నిత్యామీన‌న్ ఈ చిత్రంలో హీరోయిన్స్‌గా న‌టిస్తున్నారు.

ఈ సినిమాను ఆగ‌స్ట్ 12న విడుద‌ల చేయాల‌నుకున్న‌ప్ప‌టికీ కొన్ని అనివార్య కార‌ణాల‌తో సెప్టెంబర్ 2న విడుద‌ల చేస్తామ‌ని ప్ర‌క‌టించారు. అయితే ఇప్పుడు ఈ సినిమా సెప్టెంబ‌ర్ 2న కూడా విడుద‌ల కాబోదేమోన‌ని వార్త‌లు విన‌ప‌డుతున్నాయి. అందుకు ప్రత్యేక కార‌ణముంది. సెప్టెంబ‌ర్ 2న భార‌త్ బంద్ ఉండ‌ట‌మే. ఆరోజు థియేట‌ర్స్ బంద్ ఉంటాయి. కాబ‌ట్టి తొలిరోజు క‌లెక్ష‌న్స్ పై ప్ర‌భావం ప‌డే అవ‌కాశం ఉంద‌ని అంటున్నారు. అయితే ప్ర‌స్తుతం చ‌ర్చ‌లు జ‌రుగుతున్నాయ‌ని, దాన్ని బ‌ట్టే రిలీజ్ డేట్ ఉంటుంద‌ని అంటున్నారు. మ‌రి ఏం జ‌రుగుతుందో చూద్దాం...