యంగ్ హీరో రామ్‌కు క‌లిసొచ్చిన సంగీత ద‌ర్శ‌కుల‌లో రాక్ స్టార్ దేవిశ్రీ ప్ర‌సాద్ ఒక‌రు. వీరిద్ద‌రి కాంబినేష‌న్‌లో వ‌చ్చిన రెడీ, నేను శైల‌జ మంచి విజ‌యం సాధించాయి. ప్ర‌స్తుతం ఈ ఇద్ద‌రు హ‌లో గురు ప్రేమ‌కోస‌మే సినిమా కోసం క‌లిసి ప‌నిచేస్తున్నారు. ఇది.. ఈ కాంబోలో వ‌స్తున్న ఆరో సినిమా కావ‌డం విశేషం. వీరి కాంబినేష‌న్‌లో వ‌చ్చిన సినిమాల‌ను గ‌మ‌నిస్తే.. ఓ ఆస‌క్తిక‌ర‌మైన విష‌యం అర్థ‌మ‌వుతుంది.

అదేమిటంటే.. రామ్‌, దేవిశ్రీ కాంబోలో వ‌చ్చిన తొలి చిత్రం జ‌గ‌డం ఫ్లాప్ అయితే.. రెండో చిత్రం రెడీ మంచి విజ‌యం సాధించింది. మూడో చిత్రంగా వ‌చ్చిన శివ‌మ్ ఆశించిన విజ‌యం సాధించ‌క‌పోయినా.. నాలుగో సినిమాగా వ‌చ్చిన నేను శైల‌జ స‌క్సెస్ అయ్యింది. ఇక ఐదో సినిమాగా వ‌చ్చిన ఉన్న‌ది ఒక‌టే జింద‌గీ ఆశించిన విజ‌యం సాధించ‌లేదు. ఈ నేప‌థ్యంలో ఆరో చిత్రంగా వ‌చ్చే హ‌లో గురు ప్రేమ కోస‌మే ఈ సెంటిమెంట్ ప్ర‌కారం విజ‌యం సాధిస్తుందేమో చూడాలి. ఈ సినిమా ఈ ఏడాది ద్వితీయార్థంలో తెర‌పైకి రానుంది.