వారం గ్యాప్ తో.. ఆ కంచె దాటుతుందా?
- IndiaGlitz, [Sunday,August 06 2017]
అందం ఉంది.. అభిన‌యం ఉంది.. కానీ అదృష్టం మాత్రం ఆమ‌డ దూరంలో ఉండి ప్ర‌గ్యా జైస్వాల్‌ని స‌క్సెస్‌ఫుల్ హీరోయిన్ కాకుండా చేస్తోంది. డేగ, మిర్చిలాంటి కుర్రాడు, కంచె, ఓం న‌మో వెంక‌టేశాయ, గుంటురోడు..తాజాగా న‌క్ష‌త్రంతో క‌లుపుకుని అర‌డ‌జ‌ను చిత్రాలు రిలీజైనా.. ప్ర‌గ్యాకి ఒక్క‌టంటే ఒక్క స‌రైన విజ‌యం ద‌క్క‌లేదు.
కంచెలోని సీతాదేవి పాత్ర‌లో హుందాగా న‌టించి.. మంచి న‌టిగా పేరు అయితే తెచ్చుకుందీ అమ్మ‌డు. ఒక్క హిట్ కొడితే స‌క్సెస్‌ఫుల్ హీరోయిన్ అనే ట్యాగ్ కూడా ఆమెకు యాడ్ అవుతుంది. అలాంటి హిట్‌ని జ‌య‌జాన‌కి నాయ‌క‌తో అందుకుంటాన‌న్న ధీమాతో ఉంది ప్ర‌గ్యా. గ‌త శుక్ర‌వారం న‌క్ష‌త్రంతో అందాల విందు చేసి మ‌రీ నిరాశ‌ప‌డిన ప్ర‌గ్యాకి.. ఈ శుక్ర‌వారం జ‌య‌జాన‌కి నాయ‌క‌తో జ‌యం ద‌క్కి ప‌రాజ‌యాల కంచె దాటుతుందేమో చూడాలి. ఆల్ ది బెస్ట్ ప్ర‌గ్యా!