సమంత కి మళ్లీ అచ్చొచ్చేనా?
- IndiaGlitz, [Thursday,May 12 2016]
ఈ త‌రంలో సమంత అంత ల‌క్కీ హీరోయిన్ మ‌రొక‌రు లేర‌నే చెప్పాలి. చేసిన సినిమాల్లో దాదాపుగా హిట్సే ఉన్నాయి త‌న‌కి. అలాంటి హిట్స్ లో ఒకటి రాజ‌మౌళి దర్శకత్వంలో వ‌చ్చిన 'ఈగ'. ఈ సినిమా స‌మంత‌కి హిట్‌తో పాటు పేరుని కూడా తీసుకువ‌చ్చింది. డ‌బ్బింగ్ రూపంలో తన మాతృభాష త‌మిళంలోనూ తొలి హిట్‌ని ఇచ్చింది.
అలాంటి 'ఈగ' రిలీజైన తేది జులై 6 (2012). మళ్లీ ఇదే తేదికి త‌ను హీరోలాంటి పాత్ర‌లో న‌టించిన 'అ..ఆ..' విడుద‌లయ్యే అవ‌కాశం ఉంద‌ని టాలీవుడ్‌లో బ‌లంగా వినిపిస్తోంది. 'బ్రహ్మోత్సవం' తో పోటీ ఎందుకులే అనుకున్న చిత్ర యూనిట్ జులైకి సినిమాని వాయిదా వేసుకుంద‌ని, తాజా క‌థ‌నాల ప్ర‌కారం అది జులై 6 అని తెలిసింది. ఆ వార్త‌ల్లో ఎంత నిజ‌ముందో తెలియ‌దు కానీ.. అదే జ‌రిగితే మాత్రం స‌మంత‌కి అది ల‌క్కీ డేట్‌నే. 'ఈగ'కి అచ్చొచ్చిన ఆ తేది 'అ..ఆ..'కి కూడా మ‌రోసారి క‌లిసొస్తుందేమో చూడాలి.