ద‌ర్శ‌కుడు అనిల్ రావిపూడి `ప‌టాస్` చిత్రంతో తెలుగు తెర‌కు ప‌రిచ‌యం అయ్యాడు. ఈ సినిమా సెన్సేష‌న‌ల్ స‌క్సెస్ కావ‌డంతో అంద‌రి దృష్టి అనిల్‌పై ప‌డింది. క‌ల్యాణ్ రామ్ కు కూడా `ప‌టాస్` చాలా పెద్ద హిట్‌గా నిలిచింది. అనిల్ రావిపూడి సాయిధ‌ర‌మ్‌తేజ్‌తో సుప్రీమ్ సినిమాను తెర‌కెక్కిం,చాడు. ఈ సినిమా కూడా పెద్ద హిట్ సాధించింది.

ఇప్పుడు మూడో చిత్రాన్ని రామ్ హీరోగా రూపొందించ‌నున్నాడు. అధికార‌కంగా స‌మాచారం రావాల్సి ఉందంతే. ఈ చిత్రంలో రామ్ గుడ్డివాడు పాత్ర‌లో క‌న‌ప‌డుతున్నాడు. ఈ సినిమా త‌ర్వాత త‌న‌కు ద‌ర్శ‌కుడుగా బ్రేక్ ఇచ్చిన క‌ల్యాణ్ రామ్‌తోనే అనిల్ రావిపూడి సినిమా చేయ‌బోతున్నాడ‌ట‌. రీసెంట్ గా క‌ధ విన్న క‌ల్యాణ్ రామ్ కూడా గ్రీన్ సిగ్న‌ల్ ఇచ్చేశాడ‌ట‌. ప్ర‌స్తుతం క‌ల్యాణ్ రామ్ పూరి జ‌గ‌న్నాథ్ తో ఓ చిత్రం చేస్తున్నాడు. ఇద్ద‌రు వారి సినిమాల‌ను పూర్తి చేసుకున్న త‌ర్వాత మ‌రోసారి క‌ల‌సి ప‌నిచేయ‌బోతున్నార‌ట‌.