హే రామ్‌, క్రిష్ 3, 24 త‌దిత‌ర చిత్రాల‌తో ఛాయాగ్రాహ‌కుడిగా త‌న ప్ర‌తిభ‌ని చాటుకున్నారు సీనియ‌ర్ సినిమాటోగ్రాఫ‌ర్ తిరున‌వుక‌ర‌సు. గ‌తేడాది సంచ‌ల‌న విజ‌యం సాధించిన జ‌న‌తా గ్యారేజ్‌తో తొలిసారిగా తెలుగు ప‌రిశ్ర‌మ‌కి ప‌రిచ‌య‌మయ్యారు తిరు. ఆ సినిమా త‌రువాత మ‌రే తెలుగు సినిమాకి సంత‌కం చేయ‌ని ఆయ‌న.. తాజాగా మ‌హేష్ బాబు, కొర‌టాల శివ సినిమాకి సంత‌కం చేశారు.

తొలుత ఈ సినిమాకి ర‌వి కె.వ‌ర్మ‌న్ కెమెరామేన్‌గా ప‌నిచేశారు. అయితే కొన్ని కార‌ణాల వ‌ల్ల ఆ ప్రాజెక్ట్ నుంచి ఆయ‌న బ‌య‌ట‌కు రావ‌డంతో.. ఆ స్థానంలోకి తిరు వ‌చ్చారు. ఇప్ప‌టికే ఈ విష‌యంపై అధికారిక ప్ర‌క‌ట‌న‌లు కూడా వ‌చ్చాయి. కాగా, శ‌నివారం తిరు ఈ విష‌యాన్ని త‌న ట్విట్ట‌ర్ ఖాతాలో తెలియ‌జేశారు.

మ‌హేష్‌, కొర‌టాల సినిమా చేస్తున్నందుకు సంతోషంగా ఉంద‌ని.. ఈ విష‌యం తెలియ‌జేస్తున్నందుకు ఎగ్జ్టైట్ అవుతున్నాన‌ని ఆయ‌న చెప్పుకొచ్చారు. డిసెంబ‌ర్ 14 నుంచి త‌న వ‌ర్క్ స్టార్ట్ అయినట్లు చెప్పుకొచ్చారు. ఎన్టీఆర్‌తో హిట్ కొట్టిన తిరు.. త‌న రెండో తెలుగు హీరో మ‌హేష్‌తోనూ హిట్ కొడ‌తారేమో చూడాలి.