బ‌న్ని, సుకుమార్ అంటే ఏ తెలుగు ప్రేక్ష‌కుడికైనా గుర్తుకొచ్చే సినిమా ఆర్య‌.. ఈ సినిమా ఈ ఇద్ద‌రి కెరీర్స్‌కు పెద్ద ట‌ర్నింగ్ పాయింట్‌గా నిలిచింది. త‌ర్వాత వీరిద్ద‌రి కాంబినేష‌న్‌లో ఆర్య 2 సినిమా రూపొందింది. ఈ సినిమా పెద్ద‌గా స‌క్సెస్ కాలేదు. త‌ర్వాత ఇద్ద‌రూ క‌లిసి ఓ షార్ట్ ఫిలిం చేశారంతే. ఈ క్రేజీ కాంబోలో సినిమా రూపొంద‌లేదు.

సుకుమార్ ఎన్టీఆర్‌తో నాన్న‌కు ప్రేమ‌తో సినిమాతో స‌క్సెస్ కొట్టాడు. ఇప్పుడు రామ్‌చ‌ర‌ణ్‌తో 'రంగ‌స్థ‌లం' సినిమా చేశాడు. ఈ సినిమా మార్చి 30న విడుద‌ల కానుంది. ఈ సినిమా త‌ర్వాత సుకుమార్ ఎవ‌రితో సినిమా చేస్తాడ‌నే దానిపై ఓ క్లారిటీ లేదు.

అయితే 'రంగ‌స్థ‌లం' స‌క్సెస్‌ను బ‌ట్టి సుకుమార్‌తో సినిమా చేయాల‌ని బ‌న్ని అనుకుంటున్నాడ‌ని వార్త‌లు విన‌ప‌డుతున్నాయి. ఎందుకంటే 'నా పేరు సూర్య నా ఇల్లు ఇండియా' త‌ర్వాత బ‌న్ని మ‌రో సినిమా క‌మిట్ కాలేదు. త‌మిళ ద‌ర్శ‌కుడు ఎన్‌.లింగుస్వామి ద‌ర్శ‌క‌త్వంలో ఓ బై లింగ్వువ‌ల్ సినిమా చేస్తాడ‌ని న్యూస్ విన‌ప‌డ్డ‌ప్ప‌టికీ.. ఆ సినిమా ఇప్ప‌ట్లో సెట్స్‌కి వెళ్లేలా లేదు. అన్ని కుదిరితే సుకుమార్ త‌దుప‌రి బ‌న్నితోనే ఉండొచ్చు అంటున్నారు. మ‌రి బ‌న్ని, సుక్కు హ్యాట్రిక్ మూవీ వ‌ర్కవుట్ అవుతుందేమో చూద్దాం.