'బ్రూస్‌లీ' మ‌రో 'దూకుడు' అవుతుందా?
- IndiaGlitz, [Saturday,October 03 2015]
యాక్ష‌న్‌, కామెడీ, రొమాన్స్‌, ఫ్యామిలీ ఎమోష‌న్స్‌.. ఈ అంశాల‌న్నింటిని స‌మ‌తూకంలో జోడిస్తే ఆ సినిమా బ్లాక్ బ‌స్ట‌ర్ కాక మ‌రేమౌతుంది? స‌రిగ్గా ఇలాంటి విందుభోజ‌నంలాంటి సినిమాగా రూపొందిన శ్రీ‌నువైట్ల చిత్రం 'దూకుడు'. నాలుగేళ్ల క్రితం విడుద‌లైన ఈ సినిమా అప్ప‌ట్లో సంచ‌ల‌నం సృష్టించింది. అన్ని వ‌ర్గాల వారు మెచ్చే అంశాల మేళ‌వింపుగా ఉండ‌టంతో 'దూకుడు' సినిమా రేంజ్ ఎక్స్‌పెక్ట్ చేసిన దాని కంటే మిన్న‌గా త‌యార‌యింది.
ఆ త‌రువాత వైట్ల నుంచి వ‌చ్చిన 'బాద్‌షా' ఓకే అనిపించుకున్నా.. 'ఆగ‌డు' నాట్ ఓకే అనిపించుకున్నా.. ఆయా చిత్రాల్లో పైన పేర్కొన్న అంశాలు స‌మ‌తూకంలో కుద‌ర‌లేద‌న్న‌ది చాలా మంది విశ్లేష‌కుల మాట. అయితే వైట్ల తాజా చిత్రం 'బ్రూస్‌లీ' ట్రైల‌ర్ చూసిన ప్ర‌తి ఒక్క‌రు.. 'దూకుడు' నాటి మ్యాజిక్ ఇందులోనూ స్ప‌ష్టంగా క‌నిపిస్తోంద‌ని ముచ్చ‌టించుకుంటున్నారు. 'దూకుడు' లాగే ద‌స‌రా సీజ‌న్‌కి అటుఇటుగానే రిలీజ్ అవుతున్న 'బ్రూస్‌లీ' ఆ స్థాయి విజ‌యాన్ని అందుకుంటుందేమో చూడాలి.