నటసింహ నందమూరి బాలకృష్ణ ప్రస్తుతం తన 99వ చిత్రం డిక్టేటర్ చిత్రీకరణకి రెడీ అయిపోతున్నాడు. రీసెంట్ గా లౌక్యంతో హిట్ కొట్టిన శ్రీవాస్ దర్శకత్వంలో ఈ సినిమా తెరకెక్కనుంది. ఈరోస్ ఇంటర్నేషనల్, వేదాశ్వ క్రియేషన్స్ బ్యానర్స్ పై ఈ సినిమా రూపొందనుంది. శ్రీవాస్ ఈ చిత్రానికి డైరెక్షన్ తో పాటు ప్రొడక్షన్ లో కూడా పార్ట్ అయ్యాడు. త్వరలోనే ఈ సినిమా సెట్స్ పైకి వెళ్లనుంది.

అంజలి, సోనాల్ చౌహాన్ హీరోయిన్స్ గా నటిస్తున్నారు. ఈ సినిమాలో బాలయ్యను రిచ్ గా, స్టయిలిష్ గా చూపించబోతున్నారట. థమన్ సంగీతం అందిస్తున్న ఈ చిత్రంలో బాలయ్య పాట పాడనున్నాడని వార్తలు వినపడ్డప్పటికీ ఆ విషయంలో తాము ఇంకా అసలేం అనుకోలేదని, దీనిపై వస్తున్న వార్తలన్నీ నిజంకాదని చిత్రయూనిట్ తెలియజేసింది. అయితే ఇప్పటి వరకు థమన్ తాను కంపోజ్ చేసిన చిత్రాల్లో రామ్ చరణ్ మినహా మిగిలిన అందరీ హీరోలతో పాట పాడించాడు. మరి బాలయ్యచేత తమన్ పాట పాడిస్తాడా? అని ఎదురుచూడాల్సిందే.